ନୂଆଦିଲ୍ଲୀ : ମହାରାଷ୍ଟ୍ରର ଗଡଚିରୋଲି ଜିଲା ଛତିଶଗଡ ସୀମା ନିକଟରେ ପୁଲିସ ଓ ମାଓବାଦୀ ମଧ୍ୟରେ ଗୁଳିବିନିମୟ ହୋଇଛି । ଏଥିରେ ୧୨ ମାଓବାଦୀ ନିହତ ହୋଇଥିବାବେଳେ ୨ ପୁଲିସକର୍ମୀ ଆହତ ହୋଇଛନ୍ତି । ମହାରାଷ୍ଟ୍ରର ଗୃହମନ୍ତ୍ରୀ ଦେବେନ୍ଦ୍ର ଫଡନିବିସ୍ ସି୬୦ କମାଣ୍ଡୋ ଟିମ୍ ଏବଂ ଗଡଚିରୋଲି ପୁଲିସ ପାଇଁ ୫୧ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି ।
ଦ୍ବିପ୍ରହର ୨ଟାରେ ଆରମ୍ଭ ହୋଇଥିବା ଏହି ଗୁଳିବିନିମୟ ପ୍ରାୟ ୬ ଘଣ୍ଟା ଧରି ଚାଲିଥିଲା । ଉଭୟ ପକ୍ଷରୁ ଲଗାତର ଗୁଳି ବର୍ଷା ହେଉଥିଲା । ଏଥିରେ ୧୨ ମାଓବାଦୀ ନିହତ ହୋଇଛନ୍ତି ଯେଉଁଥିରେ ଜଣେ ମହିଳା ମାଓବାଦୀ ମଧ୍ୟ ସାମିଲ ଅଛନ୍ତି । ଘଟଣାସ୍ଥଳରୁ ୩ଟି ଏକେ ୪୭, ୨ଟି ଇନସାସ୍, ଗୋଟିଏ ଏନସଏଲଆର୍ ଜବତ ହୋଇଥିବାବେଳେ ପାଖାପାଖି ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି ।
- Advertisement -
