ଲକ୍ଷ୍ମୀପୁର : ଚାରିଦିନ ପୂର୍ବେ ୨୫ ମୋଟରସାଇକେଲ ଜବତ କରି ଲକ୍ଷ୍ମୀପୁର ପୁଲିସ ଏକ ସାମ୍ବାଦିକ ସମ୍ମିଳନୀ ଜରିଆରେ ତା’ର ପାରିବା ପଣିଆ ଦେଖାଇ ଥିବାବେଳେ ଦୁର୍ବୁତ୍ତମାନେ ପୁଣି ଏକ ମୋଟରସାଇକେଲ ଚୋରି କରି ପୁଲିସକୁ ଚାଲେଞ୍ଜ ଦେଇଛନ୍ତି । ଲକ୍ଷ୍ମୀପୁର ଅଞ୍ଚଳର ବିଭିନ୍ନ ସ୍ଥାନରେ ଚୋରି ହୋଇଥିବା ୨୫ ଟି ମୋଟରସାଇକେଲକୁ ବିଭିନ୍ନ ଥାନା ଅଞ୍ଚଳରୁ ଉଦ୍ଧାର କରିବା ସହିତ ୫ ଜଣଙ୍କୁ ଗିରଫ କରିବା ନେଇ ଗତ ୧୩ ତାରିଖରେ ଏକ ସାମ୍ବାଦିକ ସମ୍ମିଳନୀ କରି ଏହାର ସୂଚନା ଦେଇଥିଲା ପୁଲିସ । ତେବେ ଏହାର ମାଷ୍ଟର ମାଇଣ୍ଡ କୁ ଧରିବାରେ ସଫଳ ହୋଇ ପାରୁନାହିଁ । ଏବେ ଏହାର ମାତ୍ର ୪ ଦିନ ପରେ ସଦର ମହକୁମା ସ୍ଥିତ ବ୍ଲକ ରୋଡରେ ଥିବା ଏକ ଘର ସମ୍ମୁଖ ଏକ ହିରୋହୋଣ୍ଡା ଗ୍ଲାମର ମୋଟରସାଇକେଲକୁ ମଙ୍ଗଳବାର ବିଳମ୍ବିତ ରାତିରେ ଚୋରି କରି ନେଇଛନ୍ତି ଦୁର୍ବୁତ୍ତ ମାନେ ।
ମୋଟରସାଇକେଲଟିକୁ ଏକ ଗ୍ୟାରେଜରେ ମରାମତି ପାଇଁ ଦିଆଯାଇଥିବାବେଳେ ଗ୍ୟାରେଜ ମିସ୍ତ୍ରୀ ସମ୍ମୁଖରେ ଏକ ଭଡ଼ା ଘର ରଖିଥିଲେ । ତେବେ ସକାଳେ ଦେଖିବା ବେଳକୁ ତାହା ନଥିଲା । ଏନେଇ ଉଭୟ ମଟରସାଇକଲ ମାଲିକ ଓ ଗ୍ଯାରେଜ ମିସ୍ତ୍ରୀ ଲକ୍ଷ୍ମୀପୁର ଥାନାରେ ଅଭିଯୋଗ କରିଥିବା ଜଣାପଡିଛି । ତେବେ ଆଶ୍ଚର୍ଯ୍ୟର ବିଷୟ ପୁଲିସ ଦୀର୍ଘ ଦିନ ହେଲା ୨୫ ଟି ମୋଟରସାଇକେଲ ଜବତ କରି ତାର ପାରିବା ପଣିଆ ଦେଖାଇ ବାର ମାତ୍ର ଚାରିଦିନ ନପୂରୁଣୁ ପୁଣି ଏକ ମୋଟରସାଇକେଲ ଚୋରି କରି ଦୁର୍ବୁତ୍ତ ମାନେ ଏକପ୍ରକାର ଚାଲେଞ୍ଜ ଦେଇଛନ୍ତି କହିଲେ ଅତ୍ୟୁକ୍ତି ହେବନାହିଁ । ଯାହାକୁ ନେଇ ସାଧାରଣରେ ଆଲୋଚନା ଜୋର ଧରିଛି ।
ଇଲେକ୍ଟ୍ରିକ୍ କାରରେ ୧ ଲକ୍ଷ ଟଙ୍କା, ଦୁଇ ଚକିଆ ଇଭିରେ ୫ ହଜାର ଟଙ୍କା ରିହାତି ଘୋଷଣା କଲେ ସରକାର
