ଡେସ୍କ: ମହାରାଷ୍ଟ୍ର-ଛତିଶଗଡ଼ ସୀମାରେ ଥିବା ୱାଣ୍ଡୋଲି ଗ୍ରାମରେ ଆଜି ନକ୍ସଲ ବିରୋଧୀ ଅଭିଯାନରେ ୧୨ ଜଣ ନକ୍ସଲ ନିହତ ହେବା ସହ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ ହୋଇଛି। ପୂର୍ବାହ୍ନ ପ୍ରାୟ ୧୦ଟାରୁ ଆରମ୍ଭ ହୋଇଥିବା ଏହି ଅପରେସନରେ ଡେପୁଟି ସୁପରିଣ୍ଟେଣ୍ଡେଣ୍ଟ୍ ଅଫ୍ ପୁଲିସ (ଅପରେସନ୍)ଙ୍କ ନେତୃତ୍ବରେ ୭ଟି ସି୬୦ ଦଳ ସାମିଲ ହୋଇଥିଲେ। ଏହି ଅଞ୍ଚଳରେ ୧୨-୧୫ ଜଣ ନକ୍ସଲ କ୍ୟାମ୍ପ କରିଥିବା ନେଇ ବିଶ୍ୱସ୍ତ ଗୁଇନ୍ଦା ସୂଚନା ଆଧାରରେ ଏହି ଆକ୍ରମଣ କରାଯାଇଥିଲା। ଅପରାହ୍ନରେ ପ୍ରବଳ ଗୁଳି ବିନିମୟ ହୋଇଥିଲା ଏବଂ ବିଳମ୍ବିତ ସନ୍ଧ୍ୟା ପର୍ଯ୍ୟନ୍ତ ୬ ଘଣ୍ଟାରୁ ଅଧିକ ସମୟ ଧରି ଏହା ଜାରି ରହିଥିଲା। ସ୍ଥାନୀୟ ଅଞ୍ଚଳରେ ଚଢ଼ାଉ ବେଳେ ସୁରକ୍ଷା ବାହିନୀ ଡିଭିଜନାଲ କମିଟି ସଦସ୍ୟ (ଡିଭିସିଏମ) ଲକ୍ଷ୍ମଣ ଆତ୍ରାମଙ୍କ ସମେତ ୧୨ ଜଣ ନକ୍ସଲଙ୍କ ମୃତଦେହ ଉଦ୍ଧାର କରିଛି। ଏହି ଅପରେସନରେ ୩ଟି ଏକେ-୪୭ ରାଇଫଲ, ୨ଟି ଇନସାସ ରାଇଫଲ, ଗୋଟିଏ କାର୍ବାଇନ୍ ଏବଂ ଗୋଟିଏ ସେଲ୍ଫ ଲୋଡିଂ ରାଇଫଲ ସମେତ ୭ଟି ସ୍ୱୟଂଚାଳିତ ଅସ୍ତ୍ରଶସ୍ତ୍ର ମଧ୍ୟ ମିଳିଥିଲା।
Popular Categories
Previous article
Next article