ନୂଆଦିଲ୍ଲୀ : ୟୁପି ସରକାର ରାଜ୍ୟରେ ହାଇବ୍ରିଡ୍ ଗାଡି ଉପରେ ରୋଡ୍ କର ଛାଡ କରିଛନ୍ତି । ଏହା ପରେ ଗ୍ରାହକଙ୍କୁ ଲକ୍ଷ ଲକ୍ଷ ଟଙ୍କାର ଫାଇଦା ମିଳିବ । ଯୋଗୀ ସରକାର ସାରା ରାଜ୍ୟରେ ଇଭି କ୍ରୟରେ ସବସିଡିକୁ ମଧ୍ୟ ବଢାଇ ଦେଇଛନ୍ତି । କମ୍ପାନୀ ଇଲେକ୍ଟ୍ରିକ୍ ଦୁଇଚକିଆ ଯାନରେ ୫ ହଜାର ଓ ୪ ଚକିଆ ଯାନରେ ୧ ଲକ୍ଷ ଟଙ୍କାର ସବସିଡି ଦେଉଛନ୍ତି । ଗ୍ରାହକଙ୍କୁ ଏହାର ଫାଇଦା ୨୦୨୭ ପର୍ଯ୍ୟନ୍ତ ମିଳିବ ।
ଯୋଗୀ ଆଦିତ୍ୟନାଥ ସରକାର ଇଲେକ୍ଟ୍ରିକ୍ ଗାଡିକୁ ପ୍ରୋତ୍ସାହନ ଦେବା ନିମନ୍ତେ ସବସିଡି ଯୋଜନା ଆରମ୍ଭ କରିଥିଲେ । ଏବେ ସରକାର ଏନେଇ ନୂଆ ଅଧିସୂଚନା ଜାରି କରିଦେଇଛନ୍ତି । ଯାହାର ଫାଇଦା ୨୦୨୭ ପର୍ଯ୍ୟନ୍ତ ମିଳିବ । ଦୁଇଚକିଆ ଇଭି ପାଇଁ ୧୦୦ କୋଟି ଓ ଚାରିଚକିଆ ଇଭି ପାଇଁ ୨୫୦ କୋଟି ବଣ୍ଟନ କରାଯାଇଛି । ୨ ଚକିଆ ଇଭିରେ ୫ ହଜାର ଟଙ୍କା ଓ ୪ ଚକିଆ ଇଭିରେ ୧ ଲକ୍ଷ ଟଙ୍କା ପର୍ଯ୍ୟନ୍ତ ରିହାତି ମିଳିବ । ଏହାର ଫାଇଦା ୨୫ ହଜାର ୪ ଚକିଆ ଗାଡିକୁ ମିଳିବ । ଗାଡି କ୍ରୟ କରୁଥିବା ଲୋକଙ୍କୁ କେବଳ ଗୋଟିଏ ଗାଡିରେ ହିଁ ଏହି ସବସିଡି ମିଳିବ ।
ୟୁପି ସରକାର ହାଇବ୍ରିଡ୍ କାରରେ ମଧ୍ୟ ସବସିଡିର ଘୋଷଣା କରିଛନ୍ତି । ମାରୁତି ସୁଜୁକି, ହୋଣ୍ଡା କାର୍ସ ଇଣ୍ଡିଆ ଓ ଟୋୟୋଟା କିଲୋର୍ସ୍କର ମୋଟର ଭଳି କମ୍ପାନୀମାନଙ୍କୁ ୟୁପି ସରକାରଙ୍କ ଏହି ନିଷ୍ପତ୍ତିର ବଡ ଫାଇଦା ହେବା ଆଶା ରହିଛି । କାରଣ ଭାରତୀୟ ବଜାରରେ ଏହି କମ୍ପାନୀମାନଙ୍କ ଅନେକ ହାଇବ୍ରିଡ୍ କାର୍ ବିକ୍ରି ହେଉଛି ।
‘୪ ସ୍ତ୍ରୀ ଏବଂ ୩୬ ସନ୍ତାନ’ ବିକାଶର ପରିପନ୍ଥୀ; ଏଭଳି ମନ୍ତବ୍ୟ ଦେଇ ବିବାଦରେ ବିଜେପି ବିଧାୟକ
