ଡେସ୍କ: କୀର୍ତ୍ତିଚକ୍ର କ୍ୟାପଟେନ୍ ଅଂଶୁମାନ ସିଂହଙ୍କ ପତ୍ନୀ ସ୍ମୃତି ସିଂହଙ୍କ ଉପରେ ଅପମାନଜନକ ମନ୍ତବ୍ୟ ଦେଇଥିବା ବ୍ୟକ୍ତିଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜାତୀୟ ମହିଳା ଆୟୋଗ ଦିଲ୍ଲୀ ପୁଲିସକୁ ଅନୁରୋଧ କରିଛନ୍ତି। ପଞ୍ଜାବ ରେଜିମେଣ୍ଟର ଆର୍ମି ମେଡିକାଲ କର୍ପସର କ୍ୟାପଟେନ୍ ଅଂଶୁମାନ ସିଂହଙ୍କୁ ରାଷ୍ଟ୍ରପତି ମରଣୋତ୍ତର ଭାବେ କୀର୍ତ୍ତି ଚକ୍ର ପ୍ରଦାନ କରିଥିଲେ।
ସାମାଜିକ ଗଣମାଧ୍ୟମରେ ‘ଅହମ୍ମଦ କେ’ ନାମକ ଜଣେ ବ୍ୟକ୍ତି ସ୍ମୃତି ସିଂହଙ୍କ ଉପରେ ଅପମାନଜନକ ମନ୍ତବ୍ୟ ଦେଇଛନ୍ତି। ଏନସିଡବ୍ଲ୍ୟୁ ତାଙ୍କ ବିରୋଧରେ ଭାରତୀୟ ନ୍ୟାୟ ସଂହିତା, ୨୦୨୩ର ଧାରା ୭୯ ଏବଂ ସୂଚନା ପ୍ରଯୁକ୍ତି ବିଦ୍ୟା ଆଇନ, ୨୦୦୦ର ଧାରା ୬୭ ଅନୁଯାୟୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛି। ଏନ୍ସିଡବ୍ଲ୍ୟୁ ଦିଲ୍ଲୀ ପୁଲିସକୁ ତୁରନ୍ତ ଅହମ୍ମଦ କେଙ୍କ ବିରୋଧରେ ଏତଲା ରୁଜୁ କରି ତାଙ୍କୁ ଯଥାଶୀଘ୍ର ଗିରଫ କରିବାକୁ କହିଛି। ଆସନ୍ତା ୩ ଦିନ ମଧ୍ୟରେ ଏନ୍ସିଡବ୍ଲୁ ଦିଲ୍ଲୀ ପୁଲିସଠାରୁ ଏ ନେଇ ବିସ୍ତୃତ ରିପୋର୍ଟ ମାଗିଛି।
ଦିଲ୍ଲୀ ପୁଲିସକୁ ଲେଖିଥିବା ଚିଠିରେ ଏନସିଡବ୍ଲୁ ଦର୍ଶାଇଛି, ଜାତୀୟ ମହିଳା ଆୟୋଗଙ୍କୁ ଏକ ସ୍କ୍ରିନସଟ ମିଳିଛି, ଯେଉଁଥିରେ ଦିଲ୍ଲୀର ବାସିନ୍ଦା ଅହମ୍ମଦ କେ.ନାମକ ଜଣେ ବ୍ୟକ୍ତି କୀର୍ତ୍ତି ଚକ୍ର କ୍ୟାପ୍ଟେନ୍ ଅଂଶୁମାନ ସିଂହଙ୍କ ପତ୍ନୀଙ୍କ ଫଟୋ ଉପରେ ଅତ୍ୟନ୍ତ ଅଶ୍ଳୀଳ ଏବଂ ଅପମାନଜନକ ମନ୍ତବ୍ୟ ଦେଇଛନ୍ତି।
National Commission for Women (NCW) has identified a lewd and derogatory comment made by Ahmad K. from Delhi on a photo of a Kirt Chakra Captain Anshuman Singh's widow. This act violates Section 79 of the Bharatiya Nyaya Sanhita, 2023, and Section 67 of the Information Technology… pic.twitter.com/h2zvqfKGgy
— NCW (@NCWIndia) July 8, 2024
