ଡେସ୍କ: ଭାରତ ସରକାରଙ୍କ ଶିକ୍ଷା ମନ୍ତ୍ରଣାଳୟର ବିଦ୍ୟାଳୟ ଶିକ୍ଷା ଓ ସାକ୍ଷରତା ବିଭାଗ ଛାତ୍ରୀମାନଙ୍କୁ ସଶକ୍ତ କରିବା, ସେମାନଙ୍କୁ ଡିଜିଟାଲ କ୍ଷେତ୍ରରେ ସୁଦୃଢ଼ କରିବା ଏବଂ ସେମାନଙ୍କ ଶିକ୍ଷଣ ଫଳାଫଳ ବୃଦ୍ଧି କରିବା ପାଇଁ ସମସ୍ତ କାର୍ଯ୍ୟକ୍ଷମ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ (କେଜିଭିବି) ଏବଂ ହଷ୍ଟେଲରେ ସମଗ୍ର ଶିକ୍ଷା ନିୟମ ଅନୁଯାୟୀ ସୂଚନା ଓ ଯୋଗାଯୋଗ ପ୍ରଯୁକ୍ତି ଲ୍ୟାବ୍ ଏବଂ ସ୍ମାର୍ଟ କ୍ଲାସରୁମ୍ ପ୍ରଦାନ କରିବାକୁ ନିଷ୍ପତ୍ତି ନେଇଛି। ଏହା ଦ୍ୱାରା ବର୍ତ୍ତମାନର ଡିଜିଟାଲ ବିଭାଜନ ମଧ୍ୟ ଦୂର ହେବ। ଏହି ପଦକ୍ଷେପ ଦ୍ୱାରା ପ୍ରାୟ ୨୯୦ କୋଟି ଟଙ୍କା ବ୍ୟୟ ଅଟକଳରେ କେଜିବିଭିର ୭ ଲକ୍ଷ ଛାତ୍ରୀ ଉପକୃତ ହେବେ। ବର୍ତ୍ତମାନ ଦେଶର ୩୦ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ୫୧୧୬ କେଜିବିଭି କାର୍ଯ୍ୟକରୁଛି।
ଆଇସିଟି ସୁବିଧାର ବ୍ୟବସ୍ଥା ଦ୍ୱାରା କେଜିବିଭିର ଛାତ୍ରଛାତ୍ରୀମାନେ ବିଦ୍ୟାଳୟ ଶିକ୍ଷା ଓ ସାକ୍ଷରତା ବିଭାଗର ଡିଜିଟାଲ ପ୍ଲାଟଫର୍ମ/ସମ୍ବଳ ଯଥା ସ୍ୱୟଂ, ସ୍ୱୟଂ ପ୍ରଭା, ଜାତୀୟ ଡିଜିଟାଲ ଲାଇବ୍ରେରୀ, ଇ-ପାଠଶାଳା, ଜାତୀୟ ମୁକ୍ତ ଶିକ୍ଷା ସମ୍ବଳ ଭଣ୍ଡାର, ଦିକ୍ଷା ଇତ୍ୟାଦିରେ ଉନ୍ନତ ଆକସେସ୍ ପାଇପାରିବେ। ଏହା ଦ୍ୱାରା ସେମାନଙ୍କ ଶିକ୍ଷଣ ଫଳାଫଳରେ ଉନ୍ନତି ଆସିବ।
