ଭୁବନେଶ୍ଵର: ବିଜେଡି ସଙ୍ଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ସରକାରୀ ଘରେ ଭଙ୍ଗା ଚାଲିଛି। ଭୁବନେଶ୍ଵର କ୍ଵାର୍ଟର୍ସ ପରିସରରେ ନିର୍ମାଣ ହୋଇଥିବା ଅଣ୍ଡର ଗ୍ରାଉଣ୍ଡ କୋଠା ଭଙ୍ଗା ଯାଉଥିବା ଦେଖିବାକୁ ମିଳିଛି। ଭିତର ପଟୁ ଗେଟ୍ରେ ତାଲା ପକାଯାଇ ଭିତରେ ଭଙ୍ଗା କାମ ଚାଲିଛି। ମୁଖ୍ୟ ସରକାରୀ ଘର ଛାଡି ଯେଉଁ ସବୁ ନିର୍ମାଣ କାମ ହୋଇଛି, ସେଗୁଡିକୁ ଭଙ୍ଗାଯାଉଛି। ଭୁବନେଶ୍ୱରସ୍ଥିତ ବବିଙ୍କ ସରକାରୀ ଆବାସ ଭିତରେ ଥିଲା ବିଶାଳ ଆଲିଶାନ୍ ବଙ୍ଗଳା। ସେଠି ଥିଲା ତିନି ମହଳା କୋଠା, ଅଣ୍ଡର ଗ୍ରାଉଣ୍ଡ୍ ଘର, ସୁଇମିଂ ପୁଲ୍, ରୁଫ୍ ଟପ୍ କଟେଜ୍। ଆଉ ଏସବୁକୁ ଏବେ ଭାଙ୍ଗି ମାଟିରେ ମିଶା ଯାଉଛି। ଲୁଚି ଛପି କିଛି ବ୍ୟକ୍ତି ଏହି କ୍ୱାର୍ଟର୍ସ ଭିତରେ ହୋଇଥିବା ନିର୍ମାଣକୁ ଭାଙ୍ଗିବାରେ ଲାଗିଛନ୍ତି। ସେପଟେ କ୍ଵାର୍ଟର୍ସ ଭଙ୍ଗାକୁ ନେଇ ଏକ ଭିଡିଓ ବାର୍ତ୍ତା ଜାରି କରିଛନ୍ତି ପ୍ରଣବ ପ୍ରକାଶ ଦାସ। ସେ କହିଛନ୍ତି ନିୟମ ଅନୁସାରେ ଏଗୁଡିକୁ ଭଙ୍ଗା ଯାଉଛି। ଜିଏ ବିଭାଗ ନୋଟିସ୍ କରିଥିଲେ । ୧୫ ସୁଦ୍ଧା ମୁଁ କ୍ଵାର୍ଟର୍ସ ଛାଡିଦେବି। ବିଜେଡି ସଂଗଠନ ସମ୍ପାଦକ ଥିବାରୁ ବହୁତ ନେତା ଭେଟିବାକୁ ଆସନ୍ତି। ସେମାନଙ୍କ ବସା ଉଠା ପାଇଁ କ୍ଵାର୍ଟର୍ସରେ ଏକ୍ସଟେନସନ୍ କରିଥିଲି। ନିୟମ ରହିଛି ଯେମିତି କ୍ଵାର୍ଟର୍ସ ନେଇଥିବେ , ସେହି ଅବସ୍ଥାରେ ଛାଡିବେ ବୋଲି କହିଛନ୍ତି ପ୍ରଣବ ପ୍ରକାଶ ଦାସ।
Comments are closed.