କାରଖାନାରେ ତିଆରି ହେଉଥିଲା ପ୍ଲାଷ୍ଟିକ୍ ଚିନି, ଆଉ ତାପରେ…..

ନୂଆଦିଲ୍ଲୀ: ପୂର୍ବରୁ ଲୋକେ ମିଠା ଖାଇବା ଲାଗି ଗୁଡ ବ୍ୟବହାର କରୁଥିଲେ। କିନ୍ତୁ ସମୟ ଗଡିବା ସହ ଖାଦ୍ୟପେୟରେ ମଧ୍ୟ ବିଶେଷ ପରିବର୍ତ୍ତନ ଘଟିଲା। ବିଦେଶୀମାନେ ଭାରତ ଆସିବା ପରେ ବଜାରରୁ ଘିଅ ଏବଂ ଗୁଡ ଉଭାନ ହେବାରେ ଲାଗିଲା। ଲୋକ ଚିନି  ଏବଂ ବିଶୋଧିତ ତୈଳ ପ୍ରତି ମନ ବଳାଇଲେ। ଯାହା ମନୁଷ୍ୟ ଶରୀର ପାଇଁ ବିଶେଷ କ୍ଷତିକାରକ। ଏମିତିତ ଖାଦ୍ୟରେ ଚିନି କମ୍ ମାତ୍ରାରେ ବ୍ୟବହାର ହେବା ଉଚିତ୍। କିନ୍ତୁ ବର୍ତ୍ତମାନ ସୋସିଆଲ ମିଡିଆରେ ଏଭଳି କିଛି ଭିଡିଓ ସେୟାର କରାଯାଇଛି। ଯାହାକୁ ଦେଖିବା ପରେ ବୋଧ ହୁଏ ଲୋକମାନେ ବଜାରରୁ ଚିନି କିଣିବା ବନ୍ଦ କରିଦେବେ। ଆସନ୍ତୁ ଆମେ ଏହି ଭିଡିଓର ସତ୍ୟତା ବିଷୟରେ ଜାଣିବା। ଭାଇରାଲ ହୋଇଥିବା ଭିଡିଓଟି ଏକ ଫ୍ୟାକ୍ଟ୍ରିରେ ସୁଟ୍ କରାଯାଇଛି। ଏଥିରେ ଦେଖାଯାଉଛି ଯେ ପ୍ଲାଷ୍ଟିକକୁ ତରଳାଇ ଲମ୍ବା ଲମ୍ବା ଫାଇବରରେ ପରିଣତ କରାଯାଉଛି। ଏହାପରେ ଏହାକୁ କଟିଂ ମେସିନ୍ ସାହାର୍ଯ୍ୟରେ କଟା ଯାଇ ଚିନିର ଆକାର ଦିଆଯାଉଛି। ଏହି କାରଖାନାରେ ପ୍ଲାଷ୍ଟିକ୍ ଚିନି ତିଆରି କରାଯାଉଥିବା ଦାବି କରାଯାଇଛି। ଭିଡିଓଟିକୁ ଲୋକେ ଦେଖିବା ପରେ ଉତ୍ତେଜନା ପ୍ରକାଶ ପାଇଛି। ପୂର୍ବରୁ ପ୍ଲାଷ୍ଟିକ୍ ଚାଉଳର ଭିଡିଓ ଦେଖି ଲୋକେ ଯେପରି ଭୟଭୀତ ହୋଇପଡିଥିଲେ, ଏବେ ପୁର୍ନବାର ପ୍ଲାଷ୍ଟିକ୍ ଚିନି ଦେଖି ଲୋକେ ଅଧିକ ଆତଙ୍କିତ ହୋଇପଡିଛନ୍ତି। କିନ୍ତୁ କିଛି ବୁଦ୍ଧିମାନ ଲୋକ ଏହାକୁ ପ୍ରକାଶ କରିଥିଲେ। ଏହା ଥିଲା ସତ୍ୟାସତ୍ୟ। ଯଦି ଆପଣ ପ୍ରଥମେ ଏହି ଭିଡିଓଟିକୁ ଦେଖିବେ ଏପରି ଲାଗିବ ଯେ ପ୍ଲାଷ୍ଟିକରେ ଚିନି ପ୍ରସ୍ତୁତ କରାଯାଉଛି। କାରଣ ଏହା ସମ୍ପୂର୍ଣ୍ଣ ଭାବେ ଚିନି ଆକାରର। କିନ୍ତୁ ଏହା ସତ ନୁହେଁ। ପ୍ରକୃତରେ ଏହି ଭିଡିଓ ସୁଟ୍ ହୋଇଥିବା କାରଖାନାରେ ପିଭିସି ଗ୍ରାନୁଲ୍ସ ତିଆରି କରାଯାଏ। ଏହାକୁ ପ୍ଲାଷ୍ଟିକ୍ ତିଆରି ପାଇଁ ବ୍ୟବହାର କରାଯାଏ। ଏହା ଚିନି ପରି ଦେଖାଯାଏ । ତେଣୁ ଏହାକୁ ଭିଡିଓଟିରେ ପ୍ଲାଷ୍ଟିକ୍ ଚିନି ବୋଲି କହି ଭାଇରାଲ କରାଯାଇଥିଲା।