ଭୁବନେଶ୍ୱର : କୋଟିଏ ଟଙ୍କା ପାଇଁ ନିଜକୁ ନିଜେ ଅପହରଣ କରିବାର ରଚିଲେ ନାଟକ। ଭାଇ ଠାରୁ ୧ କୋଟି ଟଙ୍କା ନେବାକୁ ଏଭଳି ନାଟକ ରଚିଥିଲେ ଭଉଣୀ। ଏହି ନାଟକରେ ମହିଳାଙ୍କ ବନ୍ଧୁ ମଧ୍ୟ ସାମିଲ ଥିଲେ। ରାଜଧାନୀ ଭୁବନେଶ୍ୱରରେ ମହିଳାଙ୍କୁ ଅପହରଣ କରିବା ଘଟଣାର ଶୁକ୍ରବାର ପର୍ଦ୍ଦାଫାଶ ହୋଇଥିବା ବେଳେ ଏହି ସତ ପୁଲିସ ସାମ୍ନାକୁ ଆଣିଛି। ଯାହା ବର୍ତ୍ତମାନ ବିଭିନ୍ନ ସ୍ଥାନରେ ଚର୍ଚ୍ଚାର ବିଷୟ ପାଲଟିଛି। ପୁଲିସ ଉକ୍ତ ମହିଳାଙ୍କୁ ଧରିବା ସହ ଘଟଣାର ତଦନ୍ତ ଜାରି ରଖିଛି। ଏନେଇ ପୁଲିସ କମିଶନର ସଞ୍ଜୀବ ପଣ୍ଡା ସାମ୍ବାଦିକ ସମ୍ମିଳନୀ ଯୋଗେ ସୂଚନା ଦେଇଛନ୍ତି।
ମିଳିଥିବା ସୂଚନାନୁଯାୟୀ, ଜୁନ୍ ୨୦ ତାରିଖରେ ଚନ୍ଦକା ପୁଲିସ ଷ୍ଟେସନ ଅଞ୍ଚଳରେ ଏକ ଆପାର୍ଟମେଣ୍ଟରେ ବାସ କରୁଥିବା ସତ୍ୟ ନାରାୟଣ ପାଣି ଥାନାରେ ତାଙ୍କ ସାନ ଝିଅ ଜୁନ୍ ୧୯ରେ ଘରୁ ଯାଇ ଆଉ ଫେରିନଥିବା ଅଭିଯୋଗ କରିଥିଲେ। ତାଙ୍କୁ ଅପହରଣ କରିଥିବା ସହ ଅପହରଣକାରୀ ୧ କୋଟି ଟଙ୍କା ମାଗିବା ପରେ ମହିଳାଙ୍କୁ ଛାଡିବେ ବୋଲି ତାଙ୍କ ବାପା ପୁଲିସ ନିକଟରେ କହିଥିଲେ।
ବୁଧ ହେବେ ଉଦୟ ; ଏହି ୫ ରାଶିଙ୍କୁ ମିଳିବ ଧନ ହିଁ ଧନ, ଚାକିରି, ହେବ ବିବାହ..
ପୁଲିସ କହିଛି, ସମ୍ପୃକ୍ତ ମହିଳାଙ୍କ ଭାଇ ବାଙ୍ଗାଲୋରରେ ରହୁଥିଲେ। ମହିଳା ଜଣକ ନିଜ ପୁରୁଷ ବନ୍ଧୁଙ୍କ ସହ ମିଶି ଟଙ୍କା ଠକେଇର ଯୋଜନା କରିଥିଲେ। ଏହାପରେ ପୁଲିସ ତଦନ୍ତ ହେବା ପରେ ସମ୍ପୂର୍ଣ୍ଣ ଘଟଣା ସାମ୍ନାକୁ ଆସିଥିଲା।
Comments are closed.