ଗୋରଖପୁର: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପଶୁ ଓ ପକ୍ଷୀଙ୍କୁ ବହୁତ ଭଲ ପାଉଥିବା ଦେଖିବାକୁ ମିଳେ। କେତେବେଳେ ସେ ଗୋମାତାଙ୍କୁ ଖାଦ୍ୟ ଦେଉଥିବା ନଜର ଆସନ୍ତି ତ ଆଉ କେତେବେଳେ ମାଙ୍କଡମାନଙ୍କୁ କଦଳୀ ଖାଇବାକୁ ଦେଉଥିବା ଦେଖିବାକୁ ମିଳେ। ଯୋଗୀ ପଶୁଙ୍କୁ ଭଲ ପାଇବା ଦେବାର ଅନେକ ଫଟୋ ଓ ଭିଡ଼ିଓ ଖୁବ ଭାଇରାଲ ହେଉଛି। ଏବେ ଯୋଗୀ ଆଦିତ୍ୟନାଥ ବାଘ ସହିତ କଥାବାର୍ତ୍ତା କରିବା ଏବଂ କେମିତି ଅଛୁ ବୋଲି ପଚାରୁଥିବାର ଏକ ଭିଡ଼ିଓ ଭାଇରାଲ ହେଉଛି।
ରବିବାର ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗୋରଖପୁର ସ୍ଥିତ ପ୍ରାଣୀ ଉଦ୍ୟାନ ପରିଦର୍ଶନ କରିଥିଲେ। ଏହି ସମୟରେ ପ୍ରାଣୀ ଉଦ୍ୟାନରେ ବିଭିନ୍ନ ପଶୁ ପକ୍ଷୀଙ୍କୁ ଭେଟିବା ସହ ଏନକ୍ଲୋଜର ଭିତରେ ଥିବା ବାଘ ସହ କିଛି ସମୟ କଥା ହୋଇଥିଲେ। ବାଘଟି ମଧ୍ୟ ନିଜ ସ୍ୱରରେ ଯୋଗୀଙ୍କ କଥାର ଉତ୍ତର ଦେଉଥିବା ଦେଖିବାକୁ ମିଳିଛି। ବାଘଟିକୁ ଯୋଗୀ ପଚାରିଥିଲେ କେମିତି ଅଛୁ। ଏହାପରେ ବାଘଟି ଗୋଟିଏ ଗୋଡ ଉଠାଇ ଗର୍ଜନ କରିଥିଲା। ଉଦ୍ୟାନରେ ଥିବା ଗଣ୍ଡାକୁ କଦଳୀ ମଧ୍ୟ ଖାଇବାକୁ ଦେଇଥିଲେ। ପ୍ରାଣୀ ଉଦ୍ୟାନ ବୁଲିବାକୁ ଆସିଥିବା ପର୍ଯ୍ୟଟକଙ୍କୁ ଭେଟିବା ସହ କଥାବାର୍ତ୍ତା ହୋଇ ଫଟୋ ଉଠାଇଥିଲେ ଯୋଗୀ ।
Comments are closed.