କଳାପଥର (ବାଙ୍କୀ): ଧଳାପଥର ଫାଣ୍ଡି ଅନ୍ତର୍ଗତ କୋଦୁଅବେରେଣି ଛକ ଠାରେ ଥିବା ନିର୍ବାଚନ ଜନିତ ଚେକ ପୋଷ୍ଟ ଠାରେ ଏକ ଯାତ୍ରୀ ବାହି ବସ ମାଡ଼ିଯାଇ ଜଣଙ୍କର ମୃତ୍ୟୁ ଘଟିଛି। ଭୁବନେଶ୍ୱରରୁ ଭାୟା କଳାପଥର-କଣ୍ଟିଲୋ ଏକ ଯାତ୍ରୀବାହୀ ବସ ମଧ୍ୟାହ୍ନରେ ଫେରୁଥିବା ବେଳେ ଧଳାପଥର ଫାଣ୍ଡି ଅନ୍ତର୍ଗତ କୋଦୁଅବେରେଣି ପ୍ରାଥମିକ ବିଦ୍ୟାଳୟ ସମ୍ମୁଖରେ ଚଳନ୍ତା ଗାଡିରୁ ଖସି ପଡ଼ିଥିଲେ। ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ମୃତକ ଜଣକ ହେଉଛନ୍ତି ବୈଦେଶ୍ୱର ଥାନା ଅନ୍ତର୍ଗତ କଳାପଥର ପଂଚାୟତ ମଧୁଆପଲ୍ଲୀ ପାଟଣା ଗ୍ରାମର ସୁଦର୍ଶନ ବେହେରା (୫୫)। ତାଙ୍କର ଦୁଇଟି ବସ ଚାଲୁଛି। ଏକ ବସରେ କଂଡ଼କ୍ଟର ନଥିଲା ବେଳେ ମାଲିକ ନିଜେ ଉକ୍ତ ଗାଡ଼ିରେ ଚଢିଥିଲେ। ନିର୍ବାଚନ ପାଇଁ ବିଭିନ୍ନ ଛକରେ ଚେକ ପୋଷ୍ଟ ହୋଇଥିବା ବେଳେ ବସର ଆଗରେ କଳାପଥର ଅଭିମୁଖେ ଯାଉଥିବା କାର ଡ୍ରାଇଭର ହଠାତ ବ୍ରେକ ଦେଇଥିଲେ। ବସର ଡ୍ରାଇଭର କାରକୁ ଦେଖି ତୁରନ୍ତ ବସକୁ ଅଟକାଇବାକୁ ଚେଷ୍ଟା କରିଥିବା ବେଳେ ମାଲିକ ଜଣଙ୍କ ଭରସାମ୍ୟ ହରାଇ ଖସିପଡିବାରୁ ପଛ ଚକା ପେଟ ଉପରେ ଚଢି ଯାଇଥିଲା।
Comments are closed.