ଆଠଗଡ଼: ଆଠଗଡ଼ ଏନଏସି ଅଞ୍ଚଳରେ ବିଜେଡିର ଘରେ ଘରେ ଶଙ୍ଖ କାର୍ଯ୍ୟକ୍ରମ ମାଧ୍ୟମରେ ଜୋରଦାର ପ୍ରଚାର ଚାଲିଛି। ମଙ୍ଗଳବାର ୨ନଂ, ୩ନଂ, ୫ନଂ ଓ ୬ନଂ ୱାର୍ଡରେ ଏନଏସି ବିଜେଡି ସଭାପତି ଶିଶିର ପ୍ରସାଦ ମାନସିଂହ ଓ ଏନଏସି ଅଧ୍ୟକ୍ଷା ସସ୍ମିତା ରାଉତଙ୍କ ନେତୃତ୍ୱରେ ଅନୁଷ୍ଠିତ ଏହି ପ୍ରଚାର କାର୍ଯ୍ୟକ୍ରମରେ ଉପନଗରପାଳ ବି ଶୁଭ୍ରଶଙ୍କର ଜ୍ୟୋତି , ପୂର୍ବତନ ନଗରପାଳ ସୁବର୍ଣ୍ଣ ମଞ୍ଜରୀ ଭଞ୍ଜ ଓ ସୁଚିତ୍ରା ସାହୁ, ମହିଳା ବିଜେଡି ସଭାପତି ସୁଷମା ପରିଡ଼ା, ରଞ୍ଜିତା ଭକ୍ତା, ସୁଚିତ୍ରା ବେହେରା, କାଉନସିଲର ସିପ୍ରା ଦାଶ, ମମତାମୟୀ ସେଠୀ, ମୋନାଲି ପ୍ରିୟଦର୍ଶିନୀ ଦାଶ, ଯୁବନେତା ପ୍ରକାଶ ରାଉତ, ମନୋରଞ୍ଜନ ମିଶ୍ର ଓ ଜିଲ୍ଲା ବିଜେଡି ସାଧାରଣ ସଂପାଦକ ପ୍ରଦୀପ୍ତ ଦାସ ପ୍ରମୁଖ ଏହିସବୁ ଅଞ୍ଚଳରେ ଘରେ ଘରେ ବୁଲି ଏବଂ ପଥପ୍ରାନ୍ତ ସଭା ମାଧ୍ୟମରେ ନବୀନ ପଟ୍ଟନାୟକଙ୍କ ନେତୃତ୍ୱାଧୀନ ବିଜେଡି ସରକାରର ଉପଲବ୍ଧି, ବିକାଶମୂଳକ କାର୍ଯ୍ୟ ଓ ଜନକଲ୍ୟାଣକାରୀ ଯୋଜନା ବିଷୟରେ ଲୋକମାନଙ୍କୁ ଅବଗତ କରାଇଥିଲେ। ଆଗାମୀ ନିର୍ବାଚନରେ ବିଧାୟକ ପ୍ରାର୍ଥୀ ରଣେନ୍ଦ୍ର ପ୍ରତାପ ସ୍ୱାଇଁ ଓ ଲୋକସଭା ପ୍ରାର୍ଥୀ ଡଃ ସନ୍ତୃପ୍ତ ମିଶ୍ରଙ୍କୁ ବିପୁଳ ଭୋଟ ଦେଇ ଜୟଯୁକ୍ତ କରାଇବାକୁ ନିବେଦନ କରିଥିଲେ। ସୋମବାର ମଧ୍ୟ ଏନଏସି ଅନ୍ତର୍ଗତ କନ୍ତୋଲ ଅଞ୍ଚଳର ୫ଟି ଯାକ ୱାର୍ଡରେ ପ୍ରଚାର କାର୍ଯ୍ୟ କରାଯାଇଥିବା ବେଳେ ଯୁବନେତା ଆଦିତ୍ୟ ପ୍ରତାପ ସ୍ୱାଇଁ ଏହାର ନେତୃତ୍ୱ ନେଇଥିଲେ।
Comments are closed.