ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ହଳଦିଆପଦର ସ୍ଥିତ କମଳାବିହାର ୩ୟ ଗଳି ଠାରେ ଥିବା ଫ୍ଲିପ କାର୍ଡ ର ଲଜଷ୍ଟିକ ଅଫିସରୁ ବନ୍ଧୁକ ଦେଖାଇ ଲକ୍ଷାଧିକ ଟଙ୍କା, ମୋବାଇଲ ଲୁଟ କରି ନେଇଥିବା ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରାଯାଇଛି।
ଅଭିଯୋଗ ଅନୁଯାୟୀ ସୋମବାର ରାତି ୧୦ ଟା ବେଳେ ଉକ୍ତ ଅଫିସରେ ଅଫିସ ଇନଚାର୍ଜ ସୁମନ ଶେଖର ସାହୁ ଓ ତାଙ୍କର ଏକ ବନ୍ଧୁ ସୁବାଷ ନାହକ ପ୍ରମୁଖ ଅଫିସରେ ବସିଥିବା ବେଳେ ଗୋଟିଏ ମୋଟରସାଇକେଲ ରେ ହାଠତ ୩ ଜଣ ମୁହଁରେ ମାସ୍କ ପିନ୍ଧିଥିବା ଯୁବକ ସେଠାରେ ପହଞ୍ଚି ସେମାନଙ୍କ ମୁଣ୍ଡରେ ବନ୍ଧୁକ ଲଗାଇ ଲକର ଖୋଲିବାକୁ କହିଥିଲେ। ବିଳମ୍ବ ହେବାରୁ ଦୁର୍ବତ୍ତମାନେ ଉଭୟ ଙ୍କୁ ମାଡ଼ ମାରିବା ସହ ଲକରରେ ଥିବା ୨ ଲକ୍ଷ ୪ ହଜାର ଲୁଟ କରିବା ସହ ସୁମନର ମନିପର୍ସ ନେବା ସହ ସେଥିରେ ଥିବା ପାଞ୍ଚହଜାର ଓ ଅନ୍ୟାନ୍ୟ କାର୍ଡ ଗୁଡ଼ିକୁ ଲୁଟି ନେଇଥିଲେ।ଯିବା ସମୟରେ ଅଫିସରେ ଥିବା ଡିଭିଆର ଓ ଡିଭିକୁ ଭାଙ୍ଗି ଦେଇଥିଲେ। ଘଟଣା ନେଇ ଗୋଳନ୍ଥରା ଥାନାକୁ ଖବର ଦିଆଯାଇଥିଲା। ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ଅଭିଯୋଗ କୁ ଭିତ୍ତି କରି ୧୮୮/୨୪ ରେ ଏକ ମାମଲା ରୁଜୁ କରିବା ସହ ଆଖାପାଖ ଅଞ୍ଚଳରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରି ଯାଇ ତଦନ୍ତ ଜାରୀ ରହିଥିବା ଆଇଆଇସି ବିବେକାନନ୍ଦ ସ୍ବାଇଁ ସୂଚନା ଦେଇଛନ୍ତି।
Comments are closed.