କଳାପଥର(ବାଙ୍କୀ ):କେନ୍ଦୁପଲ୍ଲୀ ପଞ୍ଚାୟତ ଅନ୍ତର୍ଗତ ପତନୀ ଗ୍ରାମର ରାମଲୀଳା ନାଟ୍ୟ ଉତ୍ସବରେ ଗ୍ରାମର ଅଭିଜ୍ଞ କଳାକାରଙ୍କ ଦ୍ଵାରା ସୀତାହରଣ ପ୍ରସଙ୍ଗ ପରିବେଷଣ କରାଯାଇଥିଲା। ପଞ୍ଚାବଟୀ ବଣରେ ପ୍ରଭୁ ଶ୍ରୀରାମ, ମାତା ସୀତା ଏବଂ ଅନୁଜ ଲକ୍ଷ୍ମଣ ପର୍ଣ୍ଣ କୁଟୀରରେ ଅବସ୍ଥାନ ଜରୁଥିବା ବେଳେ ରାବଣର ଭଉଣୀ ସୄପଣଖା ବଣ ମଧ୍ୟକୁ ଆସି ବିଵାହ ପ୍ରସ୍ତାବ ଦେବା, ସୀତାଙ୍କୁ ଭୟଭୀତ କରାଇବା ବେଳେ ଲକ୍ଷ୍ମଣଙ୍କ ଦ୍ଵାରା ତା’ର ନାସାକର୍ଣ୍ଣ ଛେଦନ କରାଯିବାର ଦୃଶ୍ୟ ଦର୍ଶକଙ୍କୁ ଚମତକୃତ କରିଥିଲା। ଲଙ୍କାଗଡ଼କୁ ଯାଇ ସୄପଣେଖା ସୀତା ହରଣ ପାଁଇ ଭାଇ ରାବଣଙ୍କୁ ପ୍ରବର୍ତ୍ତାଇବାଥିଲେ।
ମାୟାବୀ ସହାୟତାରେ ମାୟା ମୃଗର ଭ୍ରମ ଦେଖାଇ ରାବଣ ଛଦ୍ମ ବେଶରେ ସୀତାଙ୍କୁ ପୁଷ୍ପକ ବିମାନରେ ବସାଇ ଅଶୋକ ବନକୁ ଅଫହରଣ କରି ନେଇ ଯିବାର ଅପୂର୍ବ ଦୃଶ୍ୟ ଦେଖି ଶହ ଶହ ଦର୍ଶକ ଅଭିଭୁତ ହୋଇ ପଡ଼ିଥିଲେ। ଆକାଶମାର୍ଗରେ ଜଟାୟୁଙ୍କ ଦ୍ଵାରା ରାବଣର ପଥ ଅବରୋଧ ଏବଂ ଶେଷରେ ରାବଣ ଦ୍ଵାରା ନିହତ ହେବା ଦୃଶ୍ୟ ଦର୍ଶକଙ୍କୁ ବିମୋହିତ କରିଥିଲା।
Comments are closed.