ପଟାଙ୍ଗି: ଗ୍ରାମାଞ୍ଚଳ ଗୁଡିକୁ ବିଶୁଦ୍ଧ ପାନୀୟ ଜଳ ଯୋଗାଇବା ଲାଗି ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ବସୁଧା ଯୋଜନା ମାଧ୍ୟରେ ଘର ଘରକୁ ପାନୀୟ ଜଳ ଯୋଗାଣ ଲାଗି ପାଇପ ଲାଇନ୍ ସଂଯୋଗ କରାଯାଉଛି। ହେଲେ କିଛି ସ୍ଥାନରେ ଏହା ସଠିକ୍ ଭାବେ କାମ କରୁନି। ଏମିତି କିଛି ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ଆନ୍ଧ୍ର ସୀମାନ୍ତ ପଟ୍ଟାଙ୍ଗୀ ବ୍ଲକରେ । ଏଠାକାର ପ୍ରାୟ ଗାଁ କୁ ପାଇପ ଲାଇନ ସଂଯୋଗ ହୋଇଥିଲେ ହେଁ କୌଣସି ଗାଁ କୁ ପାଣି ଆସୁନଥିବାରୁ ଗ୍ରାମବାସୀମାନେ ପାଣି ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ପାନୀୟ ଜଳ ନପାଇ ନଦୀ ଏବଂ ନାଳର ଦୂଷିତ ଗୋଳିଆ ପାଣି ପିଇ ବିଭିନ୍ନ ରୋଗରେ ଆକ୍ରାନ୍ତ ହେଉଛନ୍ତି। ସେପଟେ ପ୍ରବଳ ଗ୍ରୀଷ୍ମପ୍ରବାହ ଗ୍ରାମବାସୀ ଙ୍କ ସମାସ୍ୟାକୁ ଦ୍ଵିଗୁଣିତ କରିଛି। ବିଭାଗୀୟ କର୍ମଚାରୀ ଏବଂ ପଞ୍ଚାୟତ ସମିତି ବୈଠକ ରେ ଏ ନେଇ ବାରମ୍ବାର ଅଭିଯୋଗ ହୋଇଛି। ହେଲେ କିଛି ସୁଫଳ ମିଳିନଥିବା ସରପଞ୍ଚ ପୂର୍ଣ୍ଣ ପଟାଙ୍ଗି ଅଭିଯୋଗ କରିଛନ୍ତି। ତେଣୁ ବ୍ଳକ ପ୍ରଶାସନ ତୁରନ୍ତ ଅଞ୍ଚଳବାସୀଙ୍କ ପାନୀୟ ଜଳ ଯୋଗାଣ ସମାସ୍ୟା ସମାଧାନ କରିବା ଦିଗରେ ଦୃଷ୍ଟି ଦେବାକୁ ପଞ୍ଚାୟତବାସୀ ଦାବି କରିଛନ୍ତି।
Popular Categories
Previous article
Next article