ନୂଆଦିଲ୍ଲୀ: ଏପ୍ରିଲ ମାସ ଶେଷ ହେବାକୁ ଯାଉଛି। ଗ୍ରୀଷ୍ମର ପ୍ରକୋପ ଏତେ ଅଧିକ ରହିଛି ଯେ ଜନଜୀବନ ପୁରା ଅସ୍ତବ୍ୟସ୍ତ ହୋଇପଡିଛି। ଦିନରେ ତାପମାତ୍ରା ପ୍ରାୟ ୩୫ରୁ ୪୦ଡିଗ୍ରୀ ଉପରେ ରହୁଛି। ଯାହା ଏକ ସାଧାରଣ ମନୁଷ୍ୟ ସହିବା ଲାଗି କଷ୍ଟସାଧ୍ୟ ହୋଇପଡିଛି। ଥରେ ଚିନ୍ତା କରନ୍ତୁ ଯଦି ଗରମ ଦିନରେ ମଣିଷର ଅବସ୍ଥା ଏପରି ସାଂଘାତିକ ହେଉଛି , ତେବେ କାର୍ ଏବଂ ବାଇକ୍ ଭଳି ଯାନବାହନ ଗୁଡିକର ଅବସ୍ଥା କଣ ହେଉଥିବ। ସାଧରଣତଃ ଖରାଦିନେ ବିଶେଷ କରି କାର ଗୁଡିକରେ ଯତ୍ନ ନେବା ନିହାତି ଆବଶ୍ୟକ। କାରଣ ଏଥିରେ ଇଞ୍ଜିନ୍ ରହିଛି। ବହୁତ ସମୟ ଧରି ଯଦି କାରକୁ ବନ୍ଦ କରି ରଖାଯାଏ, ତେବେ ତାହା ଗରମ ହୋଇଯାଏ। ଗରମ ଦିନରେ କାରର ଟାୟାର ମଧ୍ୟ ଫାଟି ଯିବାର ଆଶଙ୍କା ଅଧିକ ରହିଥାଏ। ତେବେ ଏହା କେବଳ ନିର୍ଭର କରେ ଆପଣ କାରରେ କେଉଁ ବାୟୁ ଭର୍ତ୍ତି କରୁଛନ୍ତି। ଆପଣ ନାଇଟ୍ରୋଜେନ୍ ବାୟୁ ଭର୍ତ୍ତି କରୁଛନ୍ତି ନା ସାଧାରଣ ବାୟୁ। କୁହାଯାଏ କାର ହେଉ କିମ୍ବା ବାଇକ୍ , ଏହାର ଟାୟାରକୁ ନାଇଟ୍ରୋଜେନ୍ ଗ୍ୟାସରେ ଭରିବା ଲାଭଦାୟକ ଅଟେ । ତେବେ ଆସନ୍ତୁ ଜାଣିବା ନାଇଟ୍ରୋଜେନ୍ ଗ୍ୟାସ୍ ଭର୍ତ୍ତି କଲେ କଣ ଫାଇଦା ମିଳେ। କାର ଚକାରେ ନାଇଟ୍ରୋଜେନ୍ ଗ୍ୟାସ୍ ଭର୍ତ୍ତି କରିବା ଦ୍ଵାରା ଏହା ଦୀର୍ଘ ଦିନ ପର୍ଯ୍ୟନ୍ତ ଚାଲେ, ମାଇଲେଜ୍ ଭଲ ଦିଏ ଏବଂ ଉତ୍ତମ ନିୟନ୍ତ୍ରଣରେ ମଧ୍ୟ ସାହାର୍ଯ୍ୟ କରେ। ସାଧାରଣ ଗ୍ୟାସ୍ ନାଇଟ୍ରୋଜେନ ଅପେକ୍ଷା କମ୍ ଚାଲେ। ଟାୟାର ନଷ୍ଟ ହେବାର ଚିନ୍ତା ମଧ୍ୟ ରହିଛି। ଟାୟାର ଚାପ ଉପରେ ମଧ୍ୟ ଏହାର ପ୍ରଭାବ ପଡିପାରେ । ଏବଂ ଏହା ଟାୟାରରେ ଲାଗିଥିବା ରିମ୍ ଉପରେ ନକାରାତ୍ମକ ପ୍ରଭାବ ପକାଇପାରେ।
Popular Categories
Previous article
Next article