ପାଟଣା : ସାହାରପଡା ବ୍ଲକ ବାଇକଳା ପଞ୍ଚାୟତ ଅନ୍ତର୍ଗତ ବାଲିତୋଟା ଗ୍ରାମର ଭରତ ନାଏକଙ୍କ ପୁଅ ଅଜୟ ନାଏକ (୨୬) ଗତକାଲି ପୋଖରୀ କୁ ଗାଧୋଇବାକୁ ଯାଇ ଆଉ ଫେରି ନଥିଲେ। ବହୁ ବିଳମ୍ବ ହେବାରୁ ଘର ଲୋକେ ପୋଖରୀକୁ ଯାଇ ଦେଖିବାରୁ ପୁଅ ବୁଡି ଯାଇଥିବା ଜାଣିବାକୁ ପାଇଥିଲେ।
ପରିବାର ଲୋକେ ତାକୁ କରଞ୍ଜିଆ ଉପଖଣ୍ଡ ଡ଼ାକ୍ତରଖାନାକୁ ନେଇଯାଇଥିଲେ ମାତ୍ର ଡ଼ାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ପରିବାରରେ ପର ଦିନ ଏକ ବିବାହ କାର୍ଯ୍ୟ ପାଇଁ ପରିବାର ବ୍ୟସ୍ତ ଥିବାବେଳେ ଏଭଳି ହୃଦୟ ବିଦାରକ ଘଟଣା ଘଟିଯାଇଥିବାରୁ ସାରା ଗାଁ ସ୍ତବ୍ଧ ହୋଇ ଯାଇଛି। ଶନିବାର ଥିବାରୁ ସେଦିନ ଶବ ବ୍ୟବଚ୍ଛେଦ ହୋଇ ନପାରି ଆଜି ରବିବାର ଶବ ବ୍ୟବଚ୍ଛେଦ ହୋଇ ଥିବା ଜାଣିବାକୁ ମିଳିଛି।
