ନୂଆଦିଲ୍ଲୀ : ଚୀନର ଫର୍ଷ୍ଟ ଅଟୋ ଓ୍ବକର୍ସ(ଏଫଏଡବ୍ଲୁ) ଗତ ବର୍ଷ ସାଓମା ଛୋଟ ଇଲେକ୍ଟ୍ରିକ୍ ଗାଡି ଆଣିଥିଲା । ଏହି କାର ସହିତ କମ୍ପାନୀ ଛୋଟ ଇଲେକ୍ଟ୍ରିକ୍ ଗାଡି ବଜାରରେ ନିଜ ଭାଗିଦାରୀ ବଢାଇବାକୁ ଚାହୁଁଛି । ଏଫଏଡବ୍ଲୁ ବେଷ୍ଟ୍ୟୁନ ସାଓମାର ସିଧା ମୁକାବିଲା ବୁଲିଂ ହୋଙ୍ଗଗୁଆଙ୍ଗ ମିନି ଇଭି ସହିତ ହେବ । ଚୀନରେ ଛୋଟ ଇଲେକ୍ଟ୍ରିକ୍ କାରର ଚାହିଦା ବହୁତ ଅଧିକ । ଏହାର ଦାମ୍ ସେଠାରେ ପ୍ରାୟ ୩୦ ହଜାରରୁ ୫୦ ହଜାର ୟୁଆନ୍(ପ୍ରାୟ ୩.୪୭ ଲକ୍ଷରୁ ୫.୭୮ ଲକ୍ଷ ଟଙ୍କା) ମଧ୍ୟରେ ରହିଛି । ଖୁବ୍ ଶୀଘ୍ର ଏହାକୁ ଭାରତୀୟ ବଜାରକୁ ମଧ୍ୟ ଆଣିବା ପାଇଁ ଲକ୍ଷ୍ୟ ରଖିଛି କମ୍ପାନୀ । ଭାରତରେ ଏହାର ସିଧା ମୁକାବିଲା ଟାଟା ଟିଆଗୋ ଇଭି ଏବଂ ଏମଜି କମେଟ୍ ଇଭି ସହିତ ହେବ ।
ଏଥିରେ ୨୦ କିଲୋଓ୍ବାଟର ଇଲେକ୍ଟ୍ରିକ୍ ମୋଟର ରହିଛି । ଏଥିରେ ୩ଟି ଡୋର୍ ରହିଛି । ଏହାର ଲମ୍ବ ୩ ହଜାର ଏମଏମ ଏବଂ ୧୫୧୦ ଏମଏମ୍ ପ୍ରସ୍ଥ । ଥରେ ଚାର୍ଜ କଲେ ଏଥିରେ ୮୦୦ କିଲୋମିଟର ପର୍ଯ୍ୟନ୍ତ ଯାତ୍ରା କରିହେବ । କମ୍ପାନୀ ୨୦୨୩ରେ ଶାଙ୍ଘାଇ ଅଟୋ ଶୋରେ ଏହି ଗାଡିକୁ ପ୍ରଦର୍ଶିତ କରିଥିଲା । ଏହି ଗାଡିରେ ଟଚସ୍କ୍ରିନ୍ ଇନଫୋଟେଣ୍ଟମେଣ୍ଟ ଦିଆଯାଇଛି । ଏହାର ଆକାର ଛୋଟ ହୋଇଥିବାରୁ ଏହା ଗଳି କନ୍ଦି ରାସ୍ତାରେ ସହଜରେ ଯାତ୍ରା କରିପାରିବ । ତେବେ ଭାରତରେ କେବେ ଏହାର ବଜାର ପ୍ରବେଶ ହେବ ସେନେଇ କମ୍ପାନୀ କୌଣସି ସୂଚନା ଦେଇନି ।
