କେନ୍ଦୁଝରଗଡ଼଼: କେନ୍ଦୁଝର ସହର ଉପକଣ୍ଠ ଘୁଟୁରସ୍ଥିତ ଗୁରୁଦ୍ୱାରରେ ବୀର ବାଲ୍ ଦିବସ ପାଳିତ ହୋଇଯାଇଛି। ଲୋକସଭା ସଦସ୍ୟ ଅନନ୍ତ ନାୟକ ମୁଖ୍ୟଅତିଥି ଭାବେ ଯୋଗଦେଇ ଶିଖ୍ ଦଶମଗୁରୁ ଗୁରୁ ଗୋବିନ୍ଦ ସିଂହଙ୍କ ଛୋଟଛୁଆ ମାନେ ଦେଶ ତଥା ହିନ୍ଦୁଧର୍ମକୁ ରକ୍ଷା କରିବା ପାଇଁ ଦେଇଥିବା ବଳିଦାନ ଓ ତ୍ୟାଗ ସମ୍ପର୍କରେ ସ୍ମୃତିଚାରଣ କରିଥିଲେ। ଏହି ଦିନକୁ ମନେ ରଖିବା ପାଇଁ ଡିସେମ୍ବର ୨୬ତାରିଖକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ‘ବୀର ବାଲ୍ ଦିବସ’ ଭାବେ ପାଳନ ପାଇଁ ଘୋଷଣା କରିଥିଲେ। ଏହି ଉପଲକ୍ଷେ ଗୁରୁବାର ଘୁଟୁରସ୍ଥିତ ଗୁରୁଦ୍ୱାରରେ ଜିଲା ବିଜେପି ତଥା ଶିଖ୍ ଧର୍ମାବଲମ୍ବୀଙ୍କ ପକ୍ଷରୁ ଏକ ବିଶେଷ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ସାଂସଦ ଶ୍ରୀ ନାୟକଙ୍କ ସମେତ ପାଟଣା ବିଧାୟକ ଅଖିଳ ଚନ୍ଦ୍ର ନାୟକ, ତେଲକୋଇ ବିଧାୟକ ଡାକ୍ତର ଫକୀର ମୋହନ ନାୟକ ଏବଂ କେନ୍ଦୁଝରଗଡ଼଼଼ ପୌରାଧକ୍ଷା ନିକୁ ସାହୁ ପ୍ରମୁଖ ଯୋଗ ଦେଇଥିଲେ। ଏହି ବୀର ବାଲ୍ ଦିବସ କାର୍ଯ୍ୟକ୍ରମରେ ଶିଖ୍ ଦଶମମଗୁରୁ ଗୁରୁ ଗୋବିନ୍ଦ ସିଂଙ୍କ ପିଲାମାନଙ୍କ ଦେଶ ତଥା ହିନ୍ଦୁଧର୍ମକୁ ରକ୍ଷା କରିବା ପାଇଁ ଦେଇଥିବା ବଳିଦାନକୁ ସମସ୍ତେ ମନେ ପକାଇଥିଲେ। ଏହି କାର୍ଯ୍ୟକ୍ରମ ଗୁରୁଦ୍ୱାର କମିଟି ସଦସ୍ୟ ମାନଙ୍କ ସହଯୋଗରେ ଅନୁଷ୍ଠିତ ହୋଇଥିଲା।
Comments are closed.