ଭୁବନେଶ୍ୱର: ଦୁଇ ଜଣ ଏସପି ଓ ଜଣେ ଡିସିପିଙ୍କୁ ନୂଆ ଦାୟିତ୍ୱ ପ୍ରଦାନ କରିବାକୁ ନିର୍ବାଚନ କମିସନ ଅନୁମତି ଦେଇଛନ୍ତି। ଦୁଇଜଣ ଏସପି ବ୍ରିଜେଶ କୁମାର ରାୟ ଓ ଡ.ଉମାଶଙ୍କର ଦାଶଙ୍କୁ ନିଯୁକ୍ତି ମିଳିଛି। ବ୍ରିଜେଶ କୁମାର ରାୟ ରାଉରକେଲା ଏସପି ହୋଇଥିବା ବେଳେ ଡ ଉମାକାନ୍ତ ଦାଶ ହୋଇଛନ୍ତି ଅନୁଗୁଳ ଏପସି। ସେହିପରି କଟକର ନୂଆ ଡିସିପି ଭାବେ ଆର.ପ୍ରକାଶଙ୍କୁ ନିଯୁକ୍ତି ମିଳିଛି। ଏନେଇ ମୁଖ୍ୟ ଶାସନ ସଚିବଙ୍କୁ ଚିଠି ଲେଖିଛନ୍ତି ନିର୍ବାଚନ କମିସନ।
ରାଜ୍ୟରେ ସାଧାରଣ ନିର୍ବାଚନକୁ ଅବାଧ ଓ ନିରପକ୍ଷେ କରିବା ପାଇଁ ୮ ପ୍ରଶାସନିକ ଅଧିକାରୀଙ୍କୁ ନିର୍ବାଚନ ସଂକ୍ରାନ୍ତ କାର୍ଯ୍ୟରୁ ଦୂରେଇ ରଖିବାକୁ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଥିଲେ ନିର୍ବାଚନ କମିସନ। ସେମାନଙ୍କ ମଧ୍ୟରେ ଥିଲେ କେନ୍ଦ୍ରାଞ୍ଚଳ ରେଞ୍ଜ ପୁଲିସ ଆଇଜି ଆଶୀଷ ସିଂ, ଜଗତସିଂହପୁର ଓ କଟକ ଜିଲ୍ଲାପାଳଙ୍କ ସମେତ ୫ଜଣ ଏସପି। ଶୁକ୍ରବାର ୩ଟି ପଦବୀରେ ୩ଜଣ ଅଫିସର ନିଯୁକ୍ତ ହୋଇଥିବା ବେଳେ ଖୁବଶୀଘ୍ର ଅନ୍ୟ ପଦବୀରେ ନିଯୁକ୍ତି ଦିଆଯିବ ବୋଲି ଜଣାପଡିଛି।
