ନୂଆଦିଲ୍ଲୀ : ପ୍ରସିଦ୍ଧ ପ୍ରବଚିକା ଜୟା କିଶୋରୀଙ୍କୁ କିଏ ବା ନଜାଣେ । ଜୟାଙ୍କ ଭଜନ ଏବଂ ପ୍ରେରଣାଦାୟୀ ବଚନ ଯୋଗୁଁ ତାଙ୍କ ଭିଡିଓ ବେଶ୍ ଭାଇରାଲ ହୋଇଥାଏ । ସାରା ଦେଶରେ ତାଙ୍କର ଲକ୍ଷ ଲକ୍ଷ ପ୍ରଶଂସକ ଅଛନ୍ତି । ସମସ୍ତେ ତାଙ୍କ ବିଷୟରେ ଜାଣିବା ପାଇଁ ବେଶ୍ ଇଛା ପ୍ରକାଶ କରନ୍ତି । ତାଙ୍କ ପସନ୍ଦ, ନାପସନ୍ଦ, ଶିକ୍ଷା, ଆୟ ଆଦି ସମ୍ପର୍କରେ ଜାଣିବା ପାଇଁ ଯୁବପିଢି ବେଶ୍ ଆଗ୍ରହୀ । ତେବେ ଆଜି ଆମେ ତାଙ୍କର ଏକ ପ୍ରିୟ ଜିନିଷ ବିଷୟରେ କହିବୁ, ଯାହା ଜୟା ବେଶ୍ ପସନ୍ଦ କରନ୍ତି । ଜୟାଙ୍କୁ ସୁନ୍ଦର କାନ ଝୁମକା ପିନ୍ଧିବାକୁ ଭଲଲାଗେ । ଆସନ୍ତୁ ଜାଣିବା ତାଙ୍କର କାନ ଝୁମକାର ଦାମ୍ କେତେ…
ତାଙ୍କର ସବୁ ଭିଡିଓରେ ଆପଣ ତାଙ୍କୁ ସୁନ୍ଦର କାନ ଝୁମକା ପିନ୍ଧିଥିବା ଦେଖିଥିବେ । ଏହା ତାଙ୍କୁ ବେଶ୍ ପସନ୍ଦ । ନିକଟରେ ସେ ଏକ ଜାତୀୟ ଗଣମାଧ୍ୟମରେ ସାକ୍ଷାତକାର ଦେଉଥିଲେ । ଏହି ସମୟରେ ତାଙ୍କ କାନର ଝୁମକା ବହୁତ ପସନ୍ଦ ବୋଲି ସେ କହିଥିଲେ । ସେ ନିଜେ ଯାଇ କାନର ଝୁମକା କିଣନ୍ତି ଏବଂ ଏହାର ଦାମ୍ ପ୍ରାୟ ୨୦୦ରୁ ୫୦୦ ମଧ୍ୟରେ ହୋଇଥାଏ । ଯେବେ ସେ ଏହା କିଣିବାକୁ ଯାଆନ୍ତି ଏକାଥରେ ୧୦-୧୫ ଭିନ୍ନ ପ୍ରକାର ଝୁମକା କିଣିଦିଅନ୍ତି ବୋଲି ସେ ଜଣାଇଥିଲେ । ସେ ଏହା ମଧ୍ୟ କହିଥିଲେ କି କାଳେ ବଜାରରେ କିଏ ତାଙ୍କୁ ଚିହ୍ନିଦେବ ସେଥିପାଇଁ ସେ ମାସ୍କ ପିନ୍ଧି ଯାଇଥାନ୍ତି । ତାଙ୍କୁ ଦେଖି ତାଙ୍କ ପ୍ରଶଂସକ ଭିଡ ଲଗାଇ ଦିଅନ୍ତି ଯାହା ଫଳରେ ତାଙ୍କୁ ହଇରାଣ ହେବାକୁ ପଡେ । କିନ୍ତୁ କରୋନା ଆସିବା ପରଠୁ ସେ ବଜାର ଗଲେ ମାସ୍କ ଲଗାଇ ଦିଅନ୍ତି ଏବଂ କେହି ତାଙ୍କୁ ଚିହ୍ନିପାରନ୍ତିନି ବୋଲି ଜୟା କହିଥିଲେ ।
Comments are closed.