ଲକ୍ଷ୍ନୌ : ଗାଡି ନିର୍ମାତା କମ୍ପାନୀ ମାରୁତି ସୁଜୁକି ଉତ୍ତର ପ୍ରଦେଶର ଅଯୋଧ୍ୟାରେ ଏକ ପ୍ରଶଂସାଯୋଗ୍ୟ ପଦକ୍ଷେପ ନେଇଛି । ମାରୁତି ସୁଜୁକି ସୂଚନା ଦେଇଛି କି କମ୍ପାନୀ ଅଯୋଧ୍ୟାରେ ନିଜ ପ୍ରଥମ ଅଟୋମେଟେଡ୍ ଟ୍ରାଇଭିଂ ଟେଷ୍ଟ ଟ୍ରାକ୍(ଏଡିଟିଟି) ଆରମ୍ଭ କରିଦେଇଛି । କମ୍ପାନୀ କହିଛି କି ମାର୍ଚ୍ଚ ଶେଷ ସୁଦ୍ଧା ୟୁପିରେ ଏଭଳି ଆଉ ୪ଟି ଟ୍ରାକ୍ ଚାଲୁ ହୋଇଯିବ । ମାରୁତି ସୁଜୁକି ଇଣ୍ଡିଆ ଲିମିଟେଡର କର୍ପୋରେଟ୍ ମାମଲାରେ ସିଇଓ ରାହୁଲ ଭାରତୀ ଏକ ବୟାନରେ କହିଛନ୍ତି କି ଅଯୋଧ୍ୟାରେ ଶ୍ରଦ୍ଧାଳୁଙ୍କ ବଢୁଥିବା ସଂଖ୍ୟାକୁ ନଜରରେ ରଖି ସୁରକ୍ଷା ବ୍ୟବସ୍ଥାକୁ ମଧ୍ୟ ସୁଧାରିବା ପାଇଁ ଚେଷ୍ଟା କରାଯାଉଛି । ଅଟୋମେଟେଡ୍ ଡ୍ରାଇଭିଂ ଟେଷ୍ଟ ଟ୍ରାକ ଏହା ସୁନିଶ୍ଚିତ କରିବ କି ସହରରେ କେବଳ କୁଶଳୀ ଡ୍ରାଇଭର ଉପଲବ୍ଧ ଅଛନ୍ତି ।
Under visionary leadership of Hon’ble @myogiadityanath @CMOfficeUP, Shri @dayashankar4bjp @uptransportdept inaugurated Automated Driving Test Track @Ayodhya. A #MarutiSuzuki CSR initiative, ADTT is 100% computerized for driving license testing.
Inspiration Hon’ble @nitin_gadkari pic.twitter.com/Ri5ZRiLOuc— Maruti Suzuki (@Maruti_Corp) March 14, 2024
ସଡକ ସୁରକ୍ଷା ପ୍ରତି ଧ୍ୟାନ ଦେଇ ଗୋରଖପୁର, ମଥୁରା, ପ୍ରୟାଗରାଜ ଏବଂ ବାରଣାସୀରେ ମଧ୍ୟ ଅଟୋମେଟେଡ୍ ଡ୍ରାଇଭିଂ ଟେଷ୍ଟ ଟ୍ରାକ୍ ସ୍ଥାପନ କରାଯାଇଛି । ଖୁବ୍ ଶୀଘ୍ର ଏହା ଚାଲୁ ହୋଇଯିବ । ଗତ ବର୍ଷ ଡିସେମ୍ବର ୨ ତାରିଖରେ ମାରୁତି ସୁଜୁକି ଅଯୋଧ୍ୟା, ଗୋରଖପୁର, ମଥୁରା, ପ୍ରୟାଗରାଜ ଏବଂ ବାରଣାସୀରେ ଅଟୋମେଟେଡ୍ ଡ୍ରାଇଭିଂ ଟେଷ୍ଟ ଟ୍ରାକ୍ ପାଇଁ ପରିବହନ ବିଭାଗ, ୟୁପି ସରକାରଙ୍କ ସହିତ ଏକ ଚୁକ୍ତି ହସ୍ତାକ୍ଷର କରିଥିଲା । କହିରଖୁଛୁ ଏହି ଟ୍ରାକରେ ଡ୍ରାଇଭିଂ ଲାଇସେନ୍ସ ପାଇଁ ଆବେଦନ କରିଥିବା ଡ୍ରାଇଭରଙ୍କ ପରୀକ୍ଷା ନିଆଯାଏ । ଏଥିପାଇଁ ମଣିଷଙ୍କ ଆବଶ୍ୟକ ପଡେନି । କ୍ୟାମେରା ଏବଂ କମ୍ପ୍ୟୁଟର ଦ୍ବାରା ପରୀକ୍ଷା ନିଆଯାଏ ଏବଂ ଡ୍ରାଇଭର ଗାଡି ଚାଳନାରେ କେଉଁଠି ବି ସାମାନ୍ୟ ଭୁଲ୍ କଲେ ଜଣାପଡିଯାଏ । ଏହାକୁ ପାସ୍ କରି ଲାଇସେନ୍ସ ପ୍ରାପ୍ତ କରିଥିବା ବ୍ୟକ୍ତି ଜଣକ ନିଶ୍ଚୟ ଜଣେ କୁଶଳୀ ଡ୍ରାଇଭର ହୋଇଥିବ ଯାହା ଫଳରେ ସଡକ ଦୁର୍ଘଟଣାକୁ କିଛି ମାତ୍ରାରେ ହ୍ରାସ କରିହେବ ।
