ଫୁଲବାଣୀ : କନ୍ଧମାଳ ଜିଲା ଖଜୁରିପଡ଼ା ଥାନା ଅନ୍ତର୍ଗତ ସମ୍ବେପଦର ଅଞ୍ଚଳର ଜଣେ ୧୭ ବର୍ଷର ନାବାଳିକା ଘରେ କେହି ନଥିବା ସମୟରେ ବେକରେ ନିଜ ଓଢଣୀ ଲଗାଇ ଆତ୍ମହତ୍ୟା କରିଥିବାର ଥାନାରେ ଅଭିଯୋଗ ହୋଇଛି। ଅଭିଯୋଗ ପ୍ରକାରେ ପୁଲିସ ଏକ ଅପମୃତ୍ୟୁ ମାମଲା ରୁଜୁକରି ମୃତଦେହକୁ ଜବତ କରିବା ସହିତ ବ୍ୟବଚ୍ଛେଦ ପାଇଁ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ପଠାଇଛି।
ଏନେଇ ମୃତ ନାବାଳିକାଙ୍କ ଭାଇ କ୍ଷିରୋଦ ବେହେରା ଥାନାରେ ଏତଲାରେ ଦେଇଛନ୍ତି। ଏତଲା ପ୍ରକାରେ ତାଙ୍କ ସାନ ଭଉଣୀଙ୍କ ଆତ୍ମହତ୍ୟା ପାଇଁ ୪ ଜଣ ଦାୟୀ ବୋଲି ଅଭିଯୋଗ କରି ଏତଲାରେ ଦର୍ଶାଇବା ସହିତ ନ୍ୟାୟ ପାଇଁ ପ୍ରାର୍ଥନା କରିଛନ୍ତି। ନାବାଳିକାଙ୍କ ଆତ୍ମହତ୍ୟାକୁ ନେଇ ସଂପୃକ୍ତ ଅଞ୍ଚଳରେ ଶୋକରଛାୟା ଖେଳିଯାଇଥିବା ବେଳେ ନିକଟରେ ଏକ ଦୁର୍ଘଟଣାରେ ତାଙ୍କ ବାପା ଦୁର୍ବାସା ବେହେରା ପ୍ରାଣ ହରାଇଥିଲେ।
Comments are closed.