ନୂଆଦିଲ୍ଲୀ : ସାମାଜିକ ଗଣମାଧ୍ୟମ କ୍ଷେତ୍ର ଏକ୍ସ ଲଗାତର ଅପଡେଟ୍ ହେବାରେ ଲାଗିଛି । ପୂର୍ବରୁ ଏଥିରେ ପ୍ରିମିୟମ୍ ଉପଭୋକ୍ତାଙ୍କ ପାଇଁ ଅଡିଓ ଏବଂ ଭିଡିଓ କଲିଂ ବିକଳ୍ପ ଆସିଥିଲା । ଏବେ ଏକ୍ସର ମାଲିକ ଏଲନ ମସ୍କ ଏହି ସୁବିଧାକୁ ସମସ୍ତ ଉପଭୋକ୍ତାଙ୍କ ପାଇଁ ଉପଲବ୍ଧ କରିଦେଇଛନ୍ତି । ଏହି ଅପଡେଟ୍ ସହିତ ଏକ୍ସ ଆକାଉଣ୍ଟର ୟୁଜର୍ସ ସିଧା ପ୍ଲାଟଫର୍ମ ମାଧ୍ୟମରେ ଅନ୍ୟ ଉପଭୋକ୍ତାଙ୍କୁ ମାଗଣାରେ କଲ୍ କରିପାରିବେ । କହିରଖୁଛୁ ଫେସବୁକ୍, ହ୍ବାଟ୍ସଅପ୍ ଭଳି ଆପ୍ ସହିତ ପ୍ରତିଦ୍ବନ୍ଦିତା କରିବା ପାଇଁ କମ୍ପାନୀ ଏଭଳି ନିଷ୍ପତ୍ତି ନେଇଛି । ଏକ୍ସରେ କେମିତି କରିପାରିବେ ଅଡିଓ ଏବଂ ଭିଡିଓ କଲ୍…
ନିଜ ଡିଭାଇସରେଏକ୍ସ ଆପ୍ ଖୋଲନ୍ତୁ ଏବଂ ଡାଇରେକ୍ଟ ମେସେଜ୍ ସେକ୍ସନକୁ ଯାଆନ୍ତୁ ।
କୌଣସି ବାର୍ତ୍ତାଳାପ ଚୟନ କରନ୍ତୁ ବା ଏକ ନୂଆ ବାର୍ତ୍ତା ଆରମ୍ଭ କରନ୍ତୁ ।
ଫୋନ୍ ଆଇକନ୍ ଉପରେ ଟ୍ୟାପ୍ କରନ୍ତୁ ଏବଂ ନିଜ ପସନ୍ଦ ଅନୁସାରେ ଅଡିଓ ବା ଭିଡିଓ କଲ୍ ବିକଳ୍ପ ଚୟନ କରନ୍ତୁ ।
ଚୟନ କରିବା ପରେ ପ୍ରାପ୍ତକର୍ତ୍ତାଙ୍କୁ ଏକ ସୂଚନା ପ୍ରାପ୍ତ ହେବ । ସେ ଜଏନିଂ କରିବା ପରେ ଆପଣ ତାଙ୍କ ପର୍ଯ୍ୟନ୍ତ ପହଞ୍ଚି ପାରିବେ ।
ଥରେ ସାମ୍ନା ବାଲା କଲର ଉତ୍ତର ଦେଇଦେଲେ ଆପଣ ଆଲୋଚନା କରିପାରିବେ ।
ଯଦି ସାମ୍ନାରୁ ଉତ୍ତର ଆସୁନି ତେବେ ତାଙ୍କୁ ମିସଡ୍ କଲ ସୂଚନା ଯିବ ।
