ଭବାନୀପାଟଣା: ଯୁଗସାଇପାଟଣା ଏବଂ ଗୁଣ୍ଡି ସଂରକ୍ଷିତ ଜଙ୍ଗଲରେ ଗୁରୁବାର ଏକ ମାଓ କ୍ୟାମ୍ପ ଠାବ ହୋଇଥିବା ଜଣାପଡ଼ିଛି। ସେଠାରୁ ୬ଟି ଏକେ ୪୭ ବନ୍ଧୁକ, ଗୋଟାଏ ଇନସାସ ବନ୍ଧୁକ, ବହୁ ପରିମାଣର ଗୁଳିଗୋଳା, ବିସ୍ଫୋରଣରେ ବ୍ୟବହାର ହେଉଥିବା ସାମଗ୍ରୀ ତଥା ଅନ୍ୟାନ୍ୟ ସାମଗ୍ରୀ ଆଦି ଜବତ ହେଇଛି। ଏନେଇ ଶନିବାର କଳାହାଣ୍ଡି ଏସପି ଅଭିଳାଷ ଜି ଏବଂ ସିଆରପିଏଫ କମାଣ୍ଡାଣ୍ଟ ପଙ୍କଜ ଚୌଧୁରୀ ସ୍ଥାନୀୟ ପୁଲିସ ବ୍ୟାରେକରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି।
ସେହି ଅଞ୍ଚଳରେ ମାଓ ଗତିବିଧି ଥିବା ସୂଚନା ପାଇ ଏସଓଜି ଏବଂ ସିଆରପିଏଫ ପକ୍ଷରୁ କୁମ୍ବିଂ ହେଇଥିଲା। ସୁରକ୍ଷା ବାହିନୀର ଉପସ୍ଥିତି ଜାଣି ପ୍ରାୟ ୧୦ରୁ ୧୨ ମାଓବାଦୀ ଘଞ୍ଚ ଜଙ୍ଗଲକୁ ପଳାଇଥିଲେ।
