ନୂଆଦିଲ୍ଲୀ: ବିହାରରେ ନୀତିଶ କୁମାରଙ୍କ ନେତୃତ୍ଵଧୀନ ସରକାର ନିଜର ମନ୍ତ୍ରୀମଣ୍ଡଳ ସମ୍ପ୍ରସାରଣ କରିଛନ୍ତି। ଶୁକ୍ରବାର ସନ୍ଧ୍ୟାରେ ରାଜଭବନରେ ଆୟୋଜିତ ଏକ କାର୍ଯ୍ୟକ୍ରମରେ ରାଜ୍ୟପାଳ ରାଜେନ୍ଦ୍ର ବିଶ୍ବନାଥ ଆର୍ଲେକର ବିଜେପିର ୧୨ ଜଣ ଏବଂ ଜେଡିୟୁର ୯ ଜଣ ମନ୍ତ୍ରୀଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଥିଲେ । ମନ୍ତ୍ରିମଣ୍ଡଳ ସମ୍ପ୍ରସାରଣ ପରେ ନୀତିଶ ସରକାରରେ ମନ୍ତ୍ରୀଙ୍କ ସଂଖ୍ୟା ୨୯କୁ ବୃଦ୍ଧି ପାଇଛି । ଜାନୁଆରୀ ୨୮ରେ ପ୍ରଥମଥର ପାଇଁ ୮ ଜଣ ମନ୍ତ୍ରୀ ଶପଥ ଗ୍ରହଣ କରିଥିଲେ। ଏଥିରେ ବିଜେପିର ପୂର୍ବତନ ଉପମୁଖ୍ୟମନ୍ତ୍ରୀ ରେଣୁ ଦେବୀ , ପୂର୍ବତନ ରାଜ୍ୟ ସଭାପତି ମଙ୍ଗଳ ପାଣ୍ଡେ , ହରି ସହନୀ, ଜନକ ରାମ ଓ ନୀତିନ ନବୀନ ରହିଛନ୍ତି। ବିଜେପି ପ୍ରତମଥର ୬ ଜଣଙ୍କୁ ନୂତନ ଭାବେ ମନ୍ତ୍ରୀ ପଦ ଦେଇଛି । ସେମାନେ ହେଉଛନ୍ତି ଦୀଲିପ୍ ଜୟସ୍ବାଲ , ହରି ସାହାଣୀ , କେଦାର ପ୍ରସାଦ ଗୁପ୍ତା , ସୁରେନ୍ଦ୍ର ମେହେଟ୍ଟା , କୃଷ୍ଣ ନନ୍ଦନ ପାଶୱାନ୍ ଓ ସନ୍ତୋଷ କୁମାର ସିଂହ । ପୂର୍ବ ସରକାରରେ ଜେଡିୟୁର ସମସ୍ତ ୯ଜଣ ସଦସ୍ୟ ଥିଲେ। ଜେଡିୟୁର ପୂର୍ବତନ ମନ୍ତ୍ରୀ ଅଶୋକ ଚୌଧୁରୀ , ଲେଶୀ ସିଂହ , ମଦନ ସହନି, ଜୟନ୍ତ ରାଜ ଓ ମହମ୍ମଦ ଜମାନ ଖାନ୍ କ୍ୟାବିନେଟ୍ ମନ୍ତ୍ରୀ ହୋଇଛନ୍ତି।
Comments are closed.