ନୂଆଦିଲ୍ଲୀ : କେତେବେଳେ କ’ଣ ଘଟିଯିବ କହିବା ଅସମ୍ଭବ । ବେଳେବେଳେ ଏମିତି କିଛି ଘଟଣା ସାମ୍ନାକୁ ଆସେ ଯାହା ଚକିତ କରେ । ସାମାଜିକ ଗଣମାଧ୍ୟମରେ ଏମିତି ଏକ ଭିଡିଓ ଏବେ ଦେଖିବାକୁ ମିଳୁଛି । ଏଥିରେ ଥିବା ଦୃଶ୍ୟ କାହାର ବି ହୋସ୍ ଉଡାଇଦେବ । ଦୃଶ୍ୟଟି ଏକ ପେଟ୍ରୋଲ ପମ୍ପର । ଏଠାରେ ଜଣକ ପରେ ଜଣେ ମାଟି ତଳେ ଧସିଯାଉଥିବା ନଜର ଆସୁଛନ୍ତି । ଏବଂ ଖାତ ଭିତରେ କେବଳ ପାଣି ନଜର ଆସୁଛି । ଲାଗୁଛି ଯେମିତି ପାଣି ଉପରେ ପେଟ୍ରୋଲ ପମ୍ପ ନିର୍ମାଣ ହୋଇଛି ।
View this post on Instagram
- Advertisement -
ଭିଡିଓରେ ଦେଖାଯାଉଛି କି କିଛି ଲୋକ ପେଟ୍ରୋଲ ପମ୍ପରେ ଉପସ୍ଥିତ ଅଛନ୍ତି । ଗୋଟେ ପଟେ ଗାଡିରେ ପେଟ୍ରୋଲ ପଡୁଛି । ଅନ୍ୟପଟେ କିଛି ଜଣ କଥାବାର୍ତ୍ତା ହେଉଛନ୍ତି । ଏହି ସମୟରେ ଜଣେ ବ୍ୟକ୍ତି ଅଚାନକ ମାଟି ଭିତରେ ଧସିଯାଉଛନ୍ତି । ହୁଏତ ସେ ପେଟ୍ରୋଲ ପମ୍ପ କର୍ମଚାରୀ । ଏହି ସମୟରେ ତାଙ୍କୁ ଉଦ୍ଧାର କରିବାକୁ ଆସି ଲଗାତର ଆଉ ୨ ଜଣ ମଧ୍ୟ ସମାନ ପରିସ୍ଥିତିରେ ପଡୁଛନ୍ତି । ଏହି ଭିଡିଓଟି ଏବେ ଭାଇରାଲ ହେବାରେ ଲାଗିଛି ।
