ଚାନ୍ଦିପୁଟ: ଶିବରାତ୍ରିରେ ଗୋହତ୍ୟା କରି ବିକ୍ରି କରୁଥିବା ବେଳେ ଜଣକୁ ଗିରଫ କରିଛି ପୁଲିସ। ଗିରଫ ଅଭିଯୁକ୍ତ ଜଣକ ହେଲେ ଚନ୍ଦ୍ରଗିରି ଢେପସାହିର ସାଉଲ ପାଣି । ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଚନ୍ଦ୍ରଗିରି ଗ୍ରାମ ସ୍ଥିତ ଢେପସାହିରେ ଗୋହତ୍ୟା କରି ବିକ୍ରି ଚାଲିଥିଲା । ଖବର ଶୁଣିବା ପରେ ଚନ୍ଦ୍ରଗିରି ଗ୍ରାମବାସୀ ମିଳିତ ଭାବେ ଢେପସାହିରେ ଚଢ଼ାଉ କରି କଟାଯାଇଥିବା ଗୋମାଂସକୁ ଦେଖିବା ପରେ ପ୍ରବଳ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା । ଗ୍ରାମବାସୀ ଗୋହତ୍ୟାକୁ ଦୃଢ ପ୍ରତିବାଦ କରିବା ସହ ସ୍ଥାନୀୟ ସରପଞ୍ଚ ଓ ପୁଲିସକୁ ଖବର ଦେଇଥିଲେ । ଉତ୍ତେଜନା ସ୍ଥଳରେ ସ୍ଥାନୀୟ ସରପଞ୍ଚ ରଜନୀ କାନ୍ତ ପ୍ରଧାନ ଓ ମୋହନା ଥାନା ଅଧିକାରୀ ବସନ୍ତ କୁମାର ସେଠୀ , ଚନ୍ଦ୍ରଗିରି ଫାଣ୍ଡି ଅଧିକାରୀ ପୁରୁଷୋତ୍ତମ ପାଇକ ସଦଳବଳେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ। ଗୋସୁରକ୍ଷା ଆଇନକୁ କଡ଼ା କଡ଼ି କରିବା ସହ ଗୋ ସୁରକ୍ଷା ପ୍ରତି ପ୍ରଶାସନ ଦୃଷ୍ଟି ଦେବାକୁ ଅଞ୍ଚଳବାସୀ ଦାବି କରିଛନ୍ତି।
Popular Categories
Previous article
Next article