ରାମପୁର : ପଳାତକ ଘୋଷିତ ବଲିଉଡ ଅଭିନେତ୍ରୀ ତଥା ପୂର୍ବତନ ସାଂସଦ ଜୟାପ୍ରଦା ସୋମବାର ସ୍ଥାନୀୟ ଏମ୍ପି/ଏମଏଲଏ ଅଦାଲତରେ ହାଜର ହେବାପରେ ବିଚାରପତି ତାଙ୍କୁ ଜାମିନ ପ୍ରଦାନ କରିଛନ୍ତି। ଅଦାଲତରେ ହାଜର ହେବାମାତ୍ରେ ଜୟାପ୍ରଦାଙ୍କୁ ପ୍ରଥମେ ଗିରଫ କରାଯାଇଥିଲା। ସେ କିଛି ସମୟ ପାଇଁ କାଠଗଡାରେ ଛିଡା ହୋଇଥିଲେ। ଅସୁସ୍ଥ ଥିବାରୁ ବିଚାରପତି ତାଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି। ମାମଲାର ପ୍ରତ୍ୟେକ ଶୁଣାଣି ସମୟରେ ଅଦାଲତରେ ଉପସ୍ଥିତ ରହିବେ ବୋଲି ଜୟାପ୍ରଦା ପ୍ରତିଶ୍ରୁତି ଦେଇଛନ୍ତି। ନିର୍ବାଚନ ଆଚରଣ ବିଧି ଉଲ୍ଲଘଂନ ଅଭିଯୋଗରେ ଜୟାପ୍ରଦାଙ୍କ ବିରୋଧରେ ଦୁଇଟି ମାମଲା ରୁଜୁ କରାଯାଇଥିଲା। ବାରମ୍ବାର ସମନ ଜାରି ସତ୍ତ୍ବେ ସେ ଅଦାଲତରେ ହାଜର ହେଉନଥିଲେ। ଫଳରେ ଗତ ଫେବୃଆରୀ ୨୭ରେ ବିଚାରପତି ତାଙ୍କୁ ପଳାତକ ଘୋଷଣା କରିବା ସହ ମାର୍ଚ୍ଚ ୬ ସୁଦ୍ଧା ଗିରଫ କରି ଅଦାଲତରେ ହାଜର କରାଇବାକୁ ପୁଲିସକୁ ନିର୍ଦେଶ ଦେଇଥିଲେ।
Comments are closed.