ପାଟଣା :ପାଟଣା ଥାନା ଅନ୍ତର୍ଗତ ମୂଷାଖୋରୀ ଗ୍ରାମ ପାତ୍ର ସାହିରେ ଭଉଣୀ ସବିତା ପାତ୍ରଙ୍କ ଚାଳିଆ ରୋଷେଇ ଘରେ ନିଆଁ ଲଗାଇ ପୋଡିବା ଅଭିଯୋଗରେ ଭାଇ ନାଣ୍ଡୁ ଓରଫ ନାରଣ ପାତ୍ର (୩୬) ଗିରଫ ହୋଇଛନ୍ତି।
ମୂଷାଖୋରୀ ଗ୍ରାମରେ ବାପ ଘରେ ରହିଥିବା ସବିତା ପାତ୍ରଙ୍କର କୌଣସି କାରଣରୁ ବଡ଼ ବାପା ପୁଅ ଭାଇ ନାଣ୍ଡୁ ପାତ୍ର ସହ ଗୁରୁବାର ସନ୍ଧ୍ୟାରେ କଳି ଝଗଡା ହୋଇଥିଲା। ରାଗରେ ସବିତା ଏକ ଲୁହା ଛଡ଼ରେ ଭାଇକୁ ମାଡ଼ ମାରିଥିଲା। ଘଟଣା ପରେ ସବିତା ପଡିଶା ଘରକୁ ଟିଭି ଦେଖିବା କୁ ଚାଲି ଯାଇଥିଲେ।
ଏହାର ସୁଯୋଗ ନେଇ ଭାଇ ନାଣ୍ଡୁ ପାତ୍ର ସବିତାଙ୍କ ଅସ୍ଥାୟୀ ରୋଷେଇ ଘରକୁ ପୋଡି ଦେଇଥିଲେ।ଏନେଇ ସବିତା ପାଟଣା ଥାନାରେ ଅଭିଯୋଗ କରିବା ପରେ ପାଟଣା ପୁଲିସ ଅଭିଯୁକ୍ତ ଭାଇ ନାଣ୍ଡୁ କୁ ଗିରଫ କରି ଆଜି କୋର୍ଟ ଚାଲାଣ କରିଛି।
Comments are closed.