ସମାଜ ଡିଜିଟାଲ ଡେସ୍କ: ସାଧାରଣତଃ ଆମ ସମାଜରେ ମହିଳାଙ୍କୁ ଶ୍ମଶାନକୁ ଯିବାକୁ ବାରଣ କରାଯାଏ। ହେଲେ ଏଠାରେ ଏମିତି ଜଣେ ମହିଳାଙ୍କ କଥା କହୁଛୁ ଯିଏ କି ଶ୍ମଶାନ ଭିତରେ ରହିବା ସହ ଶବଦାହ କରନ୍ତି। ଶ୍ମଶାନକୁ ମୃତଦେହ ଆସିବା ମାତ୍ରେ ମହିଳା ଜଣଙ୍କ ସବୁ ସାମଗ୍ରୀ ଯୋଗାଡ କରିବାରେ ଲାଗିପଡନ୍ତି। ୧୪ବର୍ଷ ଧରି ଶବଦାହ କାର୍ଯ୍ୟ କରୁଛନ୍ତି ଲକ୍ଷ୍ମୀ ଜେନା। ମୟୂରଭଞ୍ଜ ଜିଲା ବାରିପଦାର ବାସିନ୍ଦା ହେଉଛନ୍ତି ଲକ୍ଷ୍ମୀ। ପୂର୍ବରୁ ଲକ୍ଷ୍ମୀଙ୍କ ସ୍ୱାମୀ ଏହି ଶ୍ମଶାନ ଦାୟିତ୍ୱରେ ରହି କାମ କରୁଥିଲେ। କିନ୍ତୁ ସ୍ୱାମୀଙ୍କ ସ୍ୱାସ୍ଥ୍ୟ ଭଲ ନରହିବାରୁ ଲକ୍ଷ୍ମୀ ଏହି ଦାୟିତ୍ୱ ନିଜେ ଗ୍ରହଣ କରିନେଇ ସଠିକ୍ ଭାବେ ନିର୍ବାହ କରୁଛନ୍ତି। ୫ସନ୍ତାନଙ୍କୁ ନେଇ ଶ୍ମଶାନ ଭିତରେ ରହୁଛନ୍ତି ଲକ୍ଷ୍ମୀ। ନିଜ କାମକୁ ବହୁତ ଭଲ ପାଆନ୍ତି ସେ। ମାନବ ସେବାକୁ ଧର୍ମ ଭାବି ଲକ୍ଷ୍ମୀ ଏହି ସେବା କରୁଥିବା ମୟୂରଭଞ୍ଜ ପୌରପାଳିକାର ଅଧ୍ୟକ୍ଷ କୃଷ୍ଣନନ୍ଦ ମହାନ୍ତି କହିଛନ୍ତି।
Comments are closed.