ନୂଆଦିଲ୍ଲୀ : ପେଟିଏମ୍ ପେମେଣ୍ଟ୍ସ ବ୍ୟାଙ୍କର ସମସ୍ୟା ଲଗାତର ବଢିବାରେ ଲାଗିଛି । ଭାରତୀୟ ରିଜର୍ଭ ବ୍ୟାଙ୍କ ଦ୍ବାରା ପେଟିଏମ୍ ଉପରେ ଲଗାଯାଇଥିବା କଟକଣା ପରେ ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଲିମିଟେଡ୍ ବିରୁଦ୍ଧରେ ଅର୍ଥ ହେରଫେର ଅଭିଯୋଗରେ ଯାଞ୍ଚ ଆରମ୍ଭ କରିଛି । ବିଦେଶୀ ମୁଦ୍ରା ନିୟମ ଉଲ୍ଲଙ୍ଘନକୁ ନେଇ କମ୍ପାନୀକୁ ଇଡିର ଯାଞ୍ଚର ସାମ୍ନା କରିବାକୁ ପଡୁଛି । ତେବେ ପେଟିଏମ୍ ଏହି ଅଭିଯୋଗକୁ ଭିତ୍ତିହୀନ ବୋଲି କହିଛି ।
ଭାରତୀୟ ରିଜର୍ଭ ବ୍ୟାଙ୍କ ୩୧ ଜାନୁୟାରୀରେ ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଲିମିଟେଡରେ ଅନେକ ପ୍ରକାର କଟକଣା ଲଗାଇ ଦେଇଥିଲା । ରିଜର୍ଭ ବ୍ୟାଙ୍କ ପେଟିଏମ୍ ବ୍ୟାଙ୍କକୁ କୌଣସି ବି ଗ୍ରାହକ ଖାତା, ପ୍ରିପେଡ୍ ଉତ୍ପାଦନ, ଓ୍ବାଲେଟ୍ ଏବଂ ଫାଷ୍ଟ୍ୟାଗରେ ୨୯ ଫେବୃୟାରୀ ୨୦୨୪ ପରେ ଜମା ବା ଟପ୍-ଅପ୍ ସ୍ବୀକାର ନକରିବାର ନିର୍ଦ୍ଦେଶ ଦେଇଥିଲା ।
ଅନ୍ୟପଟେ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ ସୋମବାର ପେଟିଏମ୍ ପେମେଣ୍ଟ୍ସ ବ୍ୟାଙ୍କ ବିରୁଦ୍ଧରେ କରାଯାଇଥିବା କାର୍ଯ୍ୟାନୁଷ୍ଠାନର କୌଣସି ବି ସମୀକ୍ଷା ପାଇଁ ମନା କରିଥିଲେ । ସେ କହିଥିଲେ କି ଏହି ନିଷ୍ପତ୍ତି ଗ୍ରାହକଙ୍କ ହିତକୁ ଧ୍ୟାନରେ ରଖି ନିଆଯାଇଥିଲା । ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି କି ଭାରତୀୟ ରିଜର୍ଭ ବ୍ୟାଙ୍କ ପେଟିଏମ୍ ପେମେଣ୍ଟ୍ସ ବ୍ୟାଙ୍କ ଲିମିଟେଡକୁ ନେଇ ଗ୍ରାହକଙ୍କୁ ବିଭିନ୍ନ ମୁଦ୍ଦାର ସମାଧାନକୁ ନେଇ ଚଳିତ ସପ୍ତାହରେ ବାରମ୍ବାର ପଚରାଯାଉଥିବା ପ୍ରଶ୍ନର ତାଲିକା ଜାରି କରାଯିବ ।
Comments are closed.