ବେନୋନୀ : ଭାରତୀୟ ଜୁନିୟର ଟିମର ୧୯ ବର୍ଷରୁ କମ୍ ବିଶ୍ବକପ୍ ଚାମ୍ପିଅନ୍ ହେବାର ସ୍ବପ୍ନ ଅଧା ରହିଗଲା । ଫାଇନାଲ ମ୍ୟାଚରେ ଅଷ୍ଟ୍ରେଲିଆ ଭାରତକୁ ୭୯ ରନରେ ହରାଇଛି । କଙ୍ଗାରୁ ଏହି ଟୁର୍ଣ୍ଣାମେଣ୍ଟର ଫାଇନାଲରେ ଭାରତକୁ ପ୍ରଥମ ଥର ହରାଇଛି । ଅଷ୍ଟ୍ରେଲିଆ ୪ର୍ଥ ଟାଇଟଲ ଜିତିଛି । ଏହା ପୂର୍ବରୁ ଟିମ୍ ୨୦୧୦ରେ ପାକିସ୍ତାନକୁ ୨୫ ରନରେ ହରାଇ ଚାମ୍ପିଅନ୍ ହୋଇଥିଲା ।
ବେନୋନୀରେ ରବିବାର ଅଷ୍ଟ୍ରେଲିଆ ଟିମ୍ ଟସ୍ ଜିତି ବ୍ୟାଟିଂ କରି ୫୦ ଓଭରରେ ୭ ଓ୍ବିକେଟ୍ ହରାଇ ୨୫୩ ରନ୍ କରିଥିଲା । ହରଜସ ସିଂହ ସବୁଠାରୁ ଅଧିକ ୫୫ ରନ୍ କରିଥିଲେ । ୨୫୪ ରନର ଟାର୍ଗେଟର ପିଛା କରି ଭାରତୀୟ ଟିମ୍ ୪୩.୫ ଓଭରରେ ୧୭୪ ରନରେ ଅଲଆଉଟ୍ ହୋଇଯାଇଛି । ଓପନର ଆଦର୍ଶ ସିଂହ ସବୁଠାରୁ ଅଧିକ ୪୭ ରନ୍ କରିଛନ୍ତି । ତେବେ ଏହା ସହିତ ଭାରତକୁ ହରାଇ ଅଷ୍ଟ୍ରେଲିଆ ଚାମ୍ପିଅନ୍ ହୋଇଛି ।
