ପାଣି ଆମ ଶରୀର ପଇଁ ଅତ୍ୟନ୍ତ ଜରୁରୀ ଅଟେ । ସାଧାରଣତଃ ଲୋକେ ଥଣ୍ଡା ପାଣି ପିଇବାକୁ ପସନ୍ଦ କରନ୍ତି । କିନ୍ତୁ ଯଦି ଆପଣ ନିଜ ସ୍ବାସ୍ଥ୍ୟକୁ ନେଇ ଯତ୍ନବାନ୍ ତେବେ ଆଜି ଠୁ ଉଷୁମ ପାଣି ପିଇବା ଆରମ୍ଭ କରି ଦିଅନ୍ତୁ । ତା’ ପରେ ଏହାର ଲାଭ ଆପଣ ନିଜେ ହିଁ ଜାଣି ପାରିବେ । ଚାଲନ୍ତୁ ଜାଣିବା ଉଷୁମ ପାଣି ପିଇଲେ ଶରୀରକୁ କି ଲାଭ ମିଳେ ।
୧. ସକାଳେ ଖାଲି ପେଟରେ ଏକ ଗ୍ଲାସ ଉଷୁମ ପାଣି ପିଇବା ଦ୍ବାରା ପେଟ ସମସ୍ୟା ଦୂର ହୋଇଥାଏ। ଯେପରି କୋଷ୍ଠ କାଠିନ୍ୟ, ଗ୍ୟାସ୍, ଏସିଡିଟି, ବଦହଜମୀ ଓ ପେଟରେ କଷ୍ଟ ଅନୁଭବ ହେବା ଆଦି ଦୂର ହୋଇଥାଏ ।
୨. ଉଷୁମ ପାଣି ଶରୀରର ଭିତର ଅଂଶକୁ ସଫା ରଖିବାରେ ସାହାଯ୍ୟ କରେ । ଶରୀର ମଧ୍ୟରେ ଥିବା ଆବର୍ଜନାକୁ ଦୂର କରିଥାଏ । ଫଳରେ ଶରୀର ସୁସ୍ଥ ରହେ ।
୩. ସକାଳେ ଖାଲି ପେଟରେ ଉଷୁମ ପାଣିରେ ଲେମ୍ବୁ ବା ମହୁ ମିଶାଇ ପିଇବା ଦ୍ବାରା ପେଟ ବାହାରିବା କମ୍ ହେବା ସହ ଓଜନ ହ୍ରାସ ଘଟିଥାଏ ।
୪. ଭୋକ ହେଉ ନ ଥିଲେ ଏକ ଗ୍ଲାସ ଉଷୁମ ପାଣି ସହ ଲେମ୍ବୁ ଏବଂ କଳା ଲୁଣ ପକାଇ ପିଇବା ଦ୍ବାରା ଏହି ସମସ୍ୟା ଦୂର ହୋଇଥାଏ । ଏହାକୁ ଆପଣ ଏକ ମାସ ପର୍ଯ୍ୟନ୍ତ ପିଇ ପାରିବେ ।
୫. ଉଷୁମ ପାଣି ପିଇବା ଦ୍ବାରା କାଶ ଓ ଗଳା ସମସ୍ୟା ଦୂର ହୋଇଥାଏ।
୬. ଉଷୁମ ପାଣି ପିଇବା ଦ୍ବାରା ଶରୀରରୁ ଆର୍ବଜନା ଦୂର ହେବା କାରଣରୁ ଚେହେରା ବା ତ୍ଵଚାରେ ଚମକ ଆସିଥାଏ । ଏହା ସହ ସହ କେଶ ମୁଲାୟମ ଓ ମଜଭୁତ ହୋଇଥାଏ ।
୭. ଉଷୁମ ପାଣି ଥକ୍କାପଣ ମଧ୍ୟ ଦୂର କରିବା ସହ ରକ୍ତ ସଞ୍ଚାଳନ ପ୍ରକ୍ରିୟା ସଠିକ୍ କରିଥାଏ ।
ସୂଚନା: ଗ୍ରୀଷ୍ମ ଋତୁରେ ଉଷୁମ ପାଣି ପିଇବାକୁ ବିଶେଷଜ୍ଞ ବାରଣ କରିଛନ୍ତି ।
