ଆଠଗଡ: ଆଠଗଡ ଥାନା ଅନ୍ତର୍ଗତ କୁଲାଇଲୋ ଗ୍ରାମରେ ଏକ ଅଭାବନୀୟ ଘଟଣା ଘଟିଛି । ଦୁଇଜଣ ବାଇକ ଆରୋହୀ ଏକ ଧାରୁଆ ଅସ୍ତ୍ରରେ ଜଣେ ଦଶମ ଶ୍ରେଣୀ ଛାତ୍ରର ବେକ କାଟି ଫେରାର ହୋଇଯାଇଥିବା ଜଣାପଡିଛି । କୁଲାଇଲୋ ପଞ୍ଚାୟତ ଅନ୍ତର୍ଗତ ଉଦୟପୁର ଦଳ ଗ୍ରାମର ମହେନ୍ଦ୍ର ଦାସଙ୍କ ପୁଅ ତଥା କୁଲାଇଲୋସ୍ଥିତ ଅନନ୍ତ ଦଳାଇ ସ୍ମୃତି ବିଦ୍ୟାପୀଠର ଦଶମ ଶ୍ରେଣୀ ଛାତ୍ର ସୂର୍ଯ୍ୟନାରାୟଣ ଦାସ ସୋମବାର ଅପରାହ୍ନରେ କୁଲାଇଲୋ ଟିଉସନ ହେବାକୁ ଯାଇଥିଲେ ।
ଟିଉସନରୁ ଫେରିବା ସମୟରେ ରାସ୍ତାରେ ଏକ କଳା ବାଇକରେ ପଛପଟୁ ଆସି ୨ଜଣ ଦୁବୃର୍ତ୍ତ ଏକ ଧାରୁଆ ଅସ୍ତ୍ରରେ ତାଙ୍କ ବେକକୁ କାଟି ଫେରାର ହୋଇଯାଇଥିଲେ । ଏଥିରେ ତାଙ୍କ ବେକରେ ଗଭୀର କ୍ଷତ ହେବା ସହ ପ୍ରବଳ ରକ୍ତସ୍ରାବ ହୋଇଥିଲା । ପରିବାର ଲୋକେ ଖବର ପାଇ ତୁରନ୍ତ ତାଙ୍କୁ ଆଠଗଡ ଡାକ୍ତରଖାନା ନେଇଥିଲେ । ତତେବେ ଚିକିତ୍ସା ପରେ ସେ ବିପଦମୁକ୍ତ ଥିବା ଡାକ୍ତର କହିଛନ୍ତି । ତେବେ କିଏ ଓ କାହିଁକି ତାଙ୍କୁ ଏପରି ଆକ୍ରମଣ କଲା ସେନେଇ ତଦନ୍ତ ପରେ ଜଣାପଡିବ ବୋଲି କହିଛି ପୋଲିସ ।
Comments are closed.