ଡେସ୍କ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି ଯେ ଜାତୀୟ କ୍ୟାଡେଟ କର୍ପସ (ଏନସିସି)ର ବିଭିନ୍ନ ପଦକ୍ଷେପ ମାଧ୍ୟମରେ ଦେଶର ଯୁବକମାନଙ୍କ ମଧ୍ୟରେ ସାମାଜିକ ଦକ୍ଷତା ବିକାଶ କରାଯାଉଛି ଏବଂ ଏହା ଗର୍ବର ବିଷୟ। ଆଜି ଦିଲ୍ଲୀ କ୍ୟାଣ୍ଟର ସାଧାରଣତନ୍ତ୍ର ଦିବସ ଶିବିରରେ ଏନସିସି କ୍ୟାଡେଟମାନଙ୍କୁ ସମ୍ବୋଧିତ କରି ଶ୍ରୀ ସିଂ କହିଛନ୍ତି ଯେ ରାଷ୍ଟ୍ର ପାଇଁ ଗର୍ବ ଅନୁଭବ କରିବା ହେଉଛି ସବୁଠାରୁ ଶକ୍ତିଶାଳୀ ଭାବନା। ସେ କହିଛନ୍ତି, ଏହି ଅନୁଭବ ଯୋଗୁଁ ହିଁ ଭାରତ ସ୍ୱାଧୀନତା ଲାଭ କଲା।
ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ସେ ମଧ୍ୟ ଏନସିସି କ୍ୟାଡେଟ ହୋଇଛନ୍ତି। ସେ କହିଛନ୍ତି ଯେ ବର୍ତ୍ତମାନ ସମୟ ହେଉଛି ପ୍ରତିଯୋଗିତାର ସମୟ ଏବଂ ଏହି ଯୁଗରେ କେବଳ ଯୁବପିଢ଼ିଙ୍କ ପାଇଁ ଶିକ୍ଷା ଗୁରୁତ୍ୱପୂର୍ଣ୍ଣ ନୁହେଁ, ଅଧ୍ୟୟନ ସହିତ ସେମାନଙ୍କୁ ଶାରୀରିକ, ମାନସିକ ଏବଂ ସାମାଜିକ ସ୍ତରରେ ମଧ୍ୟ ସକ୍ଷମ ହେବାକୁ ପଡ଼ିବ। କ୍ୟାଡେଟର ସାମଗ୍ରିକ ବିକାଶରେ ଏନସିସି ଏକ ପ୍ରମୁଖ ଭୂମିକା ଗ୍ରହଣ କରିବ ଏବଂ ସେମାନଙ୍କ ବ୍ୟକ୍ତିତ୍ୱର ବୃଦ୍ଧିରେ ସାହାଯ୍ୟ କରିବ ବୋଲି ଶ୍ରୀ ସିଂ କହିଛନ୍ତି। ସେ କହିଛନ୍ତି ଯେ କ୍ୟାଡେଟ୍ ମାନେ ଯେ କୌଣସି କ୍ଷେତ୍ରକୁ ଯାଆନ୍ତୁ, ଏନସିସିରୁ ଶିଖାଯାଇଥିବା ଶିକ୍ଷା ସେମାନଙ୍କ ପାଇଁ ଉପଯୋଗୀ ହେବ ଏବଂ ସେମାନେ ଦେଶର ବିକାଶରେ ନିଜର ଶ୍ରେଷ୍ଠତ୍ଵ ପ୍ରଦର୍ଶନ କରିପାରିବେ।
ଏହି ଅବସରରେ ଶ୍ରୀ ସିଂ ମଧ୍ୟ ଉଲ୍ଲେଖନୀୟ ପ୍ରଦର୍ଶନ ପାଇଁ କ୍ୟାଡେଟ୍ ମାନଙ୍କୁ ସମ୍ମାନଜନକ ରକ୍ଷାମନ୍ତ୍ରୀ ପଦକ ଏବଂ ପ୍ରଶଂସା ପତ୍ର ପ୍ରଦାନ କରିଥିଲେ।
Comments are closed.