ଭବାନୀପାଟଣା: କଳାହାଣ୍ଡି ଉତ୍ସବ ଘୁମୁରାର ଶେଷ ଦିନରେ ବଜାଶାଲ ଏବଂ ଘୁମୁରା ନୃତ୍ୟରେ ପ୍ରକମ୍ପିତ ହେଲା ଉତ୍ସବ ସ୍ଥଳୀ। ଜିଲ୍ଲାପାଳ ପି ଅନ୍ୱେଷା ରେଡ୍ଡୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶେଷଦିନର ସାଂସ୍କୃତିକ ସଭାରେ ସିଆରପିଏଫ କମାଣ୍ଡଣ୍ଟ ପଙ୍କଜ ଚୌଧୁରୀ, ମାଁ ମାଣିକେଶ୍ଵରୀ ବିଶ୍ଵ ବିଦ୍ୟାଳୟ କୁଳପତି ପ୍ରଫେସର ସଞ୍ଜୟ କୁମାର ଶତପଥୀ, ଏଡିଏମ ତ୍ରିଲୋଚନ ପାତ୍ର, ଜିଲ୍ଲା ଶିକ୍ଷାଧିକାରୀ ସୁଶାନ୍ତ ଚୋପଦାର ପ୍ରମୁଖ ଯୋଗଦେଇ କଳାକାର ସୃଷ୍ଟି ଦିଗରେ କଳାହାଣ୍ଡି ଉତ୍ସବ ଘୁମୁରା ସଫଳ ହେଇଛି ବୋଲି ମତ ପ୍ରକାଶ କରିଥିଲେ। ଜିଲ୍ଲାରେ ପର୍ଯ୍ୟଟନର ବିକାଶରେ ଗୁରୁତ୍ୱପୂର୍ଣ୍ଣ ଭୂମିକା ପାଇଁ କଳାହାଣ୍ଡିର ପ୍ରସିଦ୍ଧ ଗୁର୍ଯିମୁଣ୍ଡାସ୍ଥିତ ଯୋଗମାୟା ଦୈବୀ ପୀଠର ମୋତିଲାଲ ବଗର୍ତ୍ତି ଏବଂ ଡୋକରୀ ଚାଞ୍ଚରା ଉନ୍ନୟନ ପରିଷଦ ପ୍ରମୁଖ ସଂଗଠନ, ବ୍ୟକ୍ତି ବିଶେଷଙ୍କୁ ସମ୍ମାନିତ କରାଯାଇଥିଲା।
Popular Categories
Previous article
Next article