ଝାରସୁଗୁଡା : ମେସିନରେ ଚାପି ହୋଇ ୪ବର୍ଷ ଶିଶୁର ମୃତ୍ୟୁ ହୋଇଛି। ଏପରି ଘଟଣା ଝାରସୁଗୁଡ଼ା ଜିଲା ଲଖନପୁର ବ୍ଲକ ତିଲିଆ ପଂଚାୟତ ବରଙ୍ଗାମାଲ ଗ୍ରାମରେ ଘଟିଛି। ବରଙ୍ଗାମାଲ ଗ୍ରାମର କିଶୋର ଚନ୍ଦ୍ର ଭୋଇ ନିଜ ଖଳାରେ ସକାଳ ୭ଟାରେ ଥ୍ରେସର ମେସିନ ସାହାର୍ଯ୍ୟରେ ବେଙ୍ଗଳା ପକାଉଥିଲେ। ଏହି ସମୟରେ ତାଙ୍କ ପୁଅ ସୌମ୍ୟ ରଞ୍ଜନ ଭୋଇ (୪) ମେସିନ ପାଖକୁ ପଳାଇଥିଲେ। ମେସିନରେ ଚାପି ହୋଇଯିବା ଫଳରେ ସୌମ୍ୟ ଗୁରୁତର ଆହତ ହୋଇଥିଲେ। ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ବେଲପାହାଡସ୍ଥ ଟିଆରଏଲ୍ କ୍ରୋସାକି ଡାକ୍ତରଖାନାକୁ ନିଆଯାଇଥିଲା। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଏନେଇ ଏକ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି।