ନୂଆଦିଲ୍ଲୀ : ସାରା ଦେଶରେ ଶୀତ ଲହରୀ ଜାରି ରହିଛି। ପ୍ରବଳ ଜାଡରେ ଜନଜୀବନ ପୁରା ଅସ୍ତବ୍ୟସ୍ତ ହୋଇପଡିଛି। ଆହୁରି ୪ରୁ ୫ଦିନ ଘନ କୁହୁଡି ରହିବା ନେଇ ଆଇଏମଡି ପୂର୍ବାନୁମାନ କରିଛି। ସମଗ୍ର ଉତ୍ତର ଭାରତରେ ଏପରି ପାଗ ରହିବା ନେଇ ଆଇଏମଡି ଆକଳନ କରିଛି। ଘନ କୁହୁଡି ଯୋଗୁଁ ଦିଲ୍ଲୀ ଏବଂ କୋଲକାତା ବିମାନ ବନ୍ଦରରେ ବିମାନସେବା ବାଧାପ୍ରାପ୍ତ ହୋଇଛି। ଯାତ୍ରୀମାନଙ୍କୁ ଯୋଗାଯୋଗରେ ରହିବାକୁ ବିମାନ ସେବା ସଂସ୍ଥା ପରାମର୍ଶ ଦେଇଛି।
ସେପଟେ ପୂର୍ବ ଭାରତରେ ବି ଅସହ୍ୟ ଶୀତ ଅନୁଭୂତ ହେଉଛି। ରବିବାର ୧୦ ଡିଗ୍ରୀ ତଳେ ୧୦ ସହରର ତାପମାତ୍ରା ରହିଥିଲା। ସୁନ୍ଦରଗଡର କିରେଇ ସବୁଠାରୁ ଥଣ୍ଡା ସହର ପାଲଟିଛି। ତେବେ ଆସନ୍ତା ଦୁଇ ଦିନ ପାଗରେ ପରିବର୍ତ୍ତନ ଆସିବା ନେଇ ସୂଚନା ରହିଛି। ଆସନ୍ତା ୧୭ ଏବଂ ୧୮ ତାରିଖରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି।
Comments are closed.