କଣ୍ଟାବାଞ୍ଜି : କଣ୍ଟାବାଞ୍ଜି ଛାତ୍ର ସଂଗଠନ ପକ୍ଷରୁ ଆଜି ୮ ଦଫା ଦାବି ନେଇ ସ୍ଥାନୀୟ ତହସିଲ ଅଫିସ ଘେରାଓ । ଛାତ୍ର ସଂଗଠନର ନେତା ଚୈତନ୍ୟ ହଂସ ଏବଂ ରାଜେନ୍ଦ୍ର ଦୀପଙ୍କ ନେତୃତ୍ବ ରେ ବିଭିନ୍ନ ୱାର୍ଡର ମହିଳା ମାନେ ଏକ ଶୋଭାଯାତ୍ରାରେ ସହର ମୁଖ୍ୟ ରାସ୍ତା ଦେଇ ତହସିଲ ଅଫିସ ପହଞ୍ଚି ସେଠାରେ ବିକ୍ଷୋଭ ପ୍ରଦର୍ଶନ କରିଥିଲେ ।
ବୃଦ୍ଧ ବୃଦ୍ଧାଙ୍କୁ ମାସିକ ଭତ୍ତା ବୃଦ୍ଧି କରିବା ସହ ବ୍ୟାଙ୍କ ପରିବର୍ତେ ଘରକୁ ଟଙ୍କା ପହଞ୍ଚାଇବା , ରାସନ କାର୍ଡରେ ଚାଉଳ ସହ ଚିନି , ଗହମ , ଡାଲି , ତେଲ , ଅନ୍ତର୍ଭୁକ୍ତ କରିବା , କଣ୍ଟାବାଞ୍ଜି ଡାକ୍ତରଖାନା ପରିବେଶ ସଫା ସୁତୁରା ରଖିବା , ଡାକ୍ତରଖାନାରେ ରେ ଲାଞ୍ଚ କାରବାର ବନ୍ଦ , କଣ୍ଟାବାଞ୍ଜି ରେ ଟ୍ରାଫିକ ସମସ୍ୟା ସୁଧାର , ଭାରି ଯାନବାହାନ ଚଳାଚଳ ଉପରେ କଟକଣା , କଣ୍ଟାବାଞ୍ଜିର ଛାତ୍ର ଛାତ୍ରୀ ମାନଙ୍କ ପାଇଁ ଖେଳ ପଡିଆର ବ୍ୟବସ୍ଥା, ବୁଲା ଗାଈଗୋରୁ ମାନଙ୍କ ପାଇଁ କାଞ୍ଜି ଘର ତିଆରି କରିବା ଭଳି ୮ ଦଫା ସମ୍ବିଳିତ ଦାବିପତ୍ର ତହସିଲଦାରଙ୍କ ଅନୁପସ୍ଥିତରେ ଅତିରିକ୍ତ ତହସିଲଦାରଙ୍କୁ ପ୍ରଦାନ କରିଛନ୍ତି । ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନକୁ ଆହୁରି ତୀବ୍ର କରାଯିବ ବୋଲି ଆନ୍ଦୋଳନକାରୀ ମାନେ ଚେତାବନୀ ଦେଇଛନ୍ତି ।
