ଫୁଲବାଣୀ : ଶନିବାର କେନ୍ଦ୍ର ଜଳସମ୍ପଦ ମନ୍ତ୍ରୀ ବିଶେସ୍ଵର ଟୁଡୁଙ୍କ ଉପସ୍ଥିତିରେ ଫୁଲବାଣୀ ସଭାଗୃହ ଠାରେ ଅୟୋଜିତ ମିଶ୍ରଣ ପର୍ବରେ ଦୁଇଶହ ରୁ ଉର୍ଦ୍ଧ କର୍ମୀ ବିଜେପିରେ ସାମିଲ ହୋଇଛନ୍ତି । ବିଜେପିର ନୀତି ଆଦର୍ଶରେ ଅନୁପ୍ରାଣିତ ହୋଇ ଏମାନେ ସମସ୍ତେ ବିଜେପିରେ ସାମିଲ ହୋଇଥିବା କହିଛନ୍ତି। ଏ ସବୁ କର୍ମୀ ଫିରିଙ୍ଗିଆ ବ୍ଲକ ଅଞ୍ଚଳର ବୋଲି ଜଣାପଡିଛି। ଫିରିଙ୍ଗିଆ ବ୍ଲକର ଜଣାଶୁଣା ନେତା ଟିକେଶ୍ବର କହଁରଙ୍କ ନେତୃତ୍ୱରେ କର୍ମୀମାନେ ବିଜେପିରେ ସାମିଲ ହୋଇଥିଲେ। ଏହି ଅବସରରେ ଅୟୋଜିତ ସଭାରେ କେନ୍ଦ୍ରମନ୍ତ୍ରୀ ଟୁଡୁ ମୁଖ୍ୟ ଅତିଥି ଭାବେ ଯୋଗ ଦେଇ ସମସ୍ତ୍ କର୍ମୀ ଓ ନେତା ଏକ ମନ ଓ ଏକ ପ୍ରାଣ ହୋଇ ନିଷ୍ଠା ଓ ଆନ୍ତରିକତାର ସହ ତୃଣ ମୂଳ ସ୍ତରରୁ ବିଜେପିର ସଂଗଠନକୁ ସୁଦୃଢ କରିବା ପାଇଁ ପରାମର୍ଶ ଦେଇଥିଲେ।
ଅନ୍ୟମାନଙ୍କ ମଧ୍ୟରେ ରାଜ୍ୟ ବିଜେପି କାର୍ଯ୍ୟକାରିଣୀ ସଦସ୍ୟ ସୁକାନ୍ତ ପାଣିଗ୍ରାହୀ, ପୂର୍ବତନ ବିଧାୟକ କରେନ୍ଦ୍ର ମାଝୀ, ପୌରାଧ୍ୟକ୍ଷା ସ୍ମିତା ରାଣୀ ମହାନ୍ତି, କାର୍ଯ୍ୟକାରୀ ସଦସ୍ୟ ଲିଙ୍ଗରାଜ କହଁର, ବିଜେପି ନେତା ତପନ ପାଢି, ସଂସାଦ କ୍ଷେତ୍ର୍ ସଂଯୋଜକ ତଥା ବିଜେପି ନେତା ରମେଶ ମହାନ୍ତି, ମାନ ଗୋବିନ୍ଦ ପ୍ରଧାନ, ଦେବେନ୍ଦ୍ର କୁଦେଇ ପ୍ରମୁଖ ଯୋଗଦେଇ ଆଗାମୀ ନିର୍ବାଚନରେ ବିଜେପି ଯେପରି ଭଲ ପ୍ରଦର୍ଶନ କରିବ ସେଥିପାଇଁ ଏବେଠାରୁ ଆନ୍ତରିକତା ର ସହ କାର୍ଯ୍ୟ କରିବାକୁ କହିଥିଲେ।
Comments are closed.