ପିପିଲି :ଅଗ୍ରଣୀ ନାଗରିକ ସଂଗଠନ ‘ପିପିଲି ସାଂସ୍କୃତିକ ପରିଷଦ’ର ବାର୍ଷିକ ବୈଠକ ଅବସରରେ ନୂତନ ବର୍ଷ ୨୦୨୪ର କ୍ୟାଲେଣ୍ଡର ଉନ୍ମୋଚିତ ହୋଇଯାଇଛି। ଏହି ଅବସରରେ ପରିଷଦର ଉପଦେଷ୍ଠା ଲେଫ୍ନାଣ୍ଟ ଜେନେରାଲ ନାରାୟଣ ମହାନ୍ତିଙ୍କ ଅଧ୍ୟକ୍ଷତାରେ ଜଇସପାଟଣା ସ୍ଥିତ ପରିଷଦର ମୁଖ୍ୟ କାର୍ଯ୍ୟାଳୟ ଠାରେ ଶନିବାର ଅନୁଷ୍ଠିତ ସଭାରେ ଅତିଥି ଭାବେ ଭୁବନେଶ୍ୱର ସ୍ଥିତ ଭାରତୀୟ ଜଳ ପରିଚାଳନା ପ୍ରତିଷ୍ଠାନ (ଆଇଆଇଡବ୍ଲ୍ୟୁଏମ୍)ର ପ୍ରଧାନ ବୈଜ୍ଞାନିକ ପ୍ରଭାକର ନନ୍ଦ, ପ୍ରଧାନ ବୈଜ୍ଞାନିକ ପ୍ରମୋଦ କିଶୋର ପଣ୍ଡା, ପାହାଳ ରସଗୋଲା ଉଦ୍ୟୋଗୀ ଓ ପ୍ରସ୍ତୁତକାରୀ ସମିତିର ସଭାପତି ଅକ୍ଷୟ କୁମାର ଲେଙ୍କା, ବରିଷ୍ଠ ସମାଜସେବୀ ପଦ୍ମନାଭ ପ୍ରଧାନ, ଯୁବ ସମାଜସେବୀ ପ୍ରକାଶ ଚନ୍ଦ୍ର ମିଶ୍ର ପ୍ରମୁଖ ଅତିଥି ଭାବେ ଯୋଗଦେଇ ପିପିଲିର ସଂସ୍କୃତି, ପରମ୍ପରାକୁ ରକ୍ଷା କରିବା ସହ ଜାତୀୟତାବୋଧକୁ ପ୍ରଚାର ପ୍ରସାର କରିବା ଦିଗରେ ପିପିଲି ସାଂସ୍କୃତିକ ପରିଷଦର ଉଦ୍ୟମକୁ ଭୂୟସି ପ୍ରଶଂସା କରିଥିଲେ।
ଏହି ଅବସରରେ ପରିଷଦ ପକ୍ଷରୁ ପ୍ରସ୍ତୁତ କରାଯାଇଥିବା ନୂତନବର୍ଷ ୨୦୨୪ର କ୍ୟାଲେଣ୍ଡରକୁ ଅତିଥିମାନେ ଉନ୍ମୋଚନ କରିଥିଲେ। ପରିଷଦର ସଂପାଦକ ତଥା ଭାରତୀୟ ବାୟୁସେନାର ଅବସରପ୍ରାପ୍ତ ଅଧିକାରୀ ରମେଶ ଚନ୍ଦ୍ର ମହାପାତ୍ର ବାର୍ଷିକ ବିବରଣୀ ପାଠ କରିବା ଅବସରରେ ଆଗାମୀ ଦିନରେ ପରିଷଦ ପକ୍ଷରୁ ‘ଇତିହାସ ପୃଷ୍ଠାରେ ପିପିଲି’ ପୁସ୍ତକର ଦ୍ୱିତୀୟ ସଂସ୍କରଣକୁ ମୁଦ୍ରଣ କରାଯିବା ସହ ପୂର୍ବପରି ସମଗ୍ର ରାଜ୍ୟରେ ‘ବନ୍ଦେ ମାତରଂ’ କାର୍ଯ୍ୟକ୍ରମ ଜାରି ରହିବ ବୋଲି ସୂଚନା ଦେଇଥିଲେ। ପରିଷଦର ସହସଂପାଦକ ଦୀନବନ୍ଧୁ ବେହୁରା ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ସୁଦର୍ଶନ ମିଶ୍ର ଅତିଥି ପରିଚୟ ପ୍ରଦାନ କରିଥିଲେ। ପରିଷଦର ସାଂଗଠନିକ ସଂପାଦକ ଶିକ୍ଷାବିତ୍ ହେମନ୍ତ କୁମାର ପ୍ରଧାନ ସଭାକୁ ପରିଚାଳନା କରିଥିଲେ। ସ୍ୱତନ୍ତ୍ର ନିମନ୍ତ୍ରିତ କମିଟିର ସଂପାଦକ ତଥା ବରିଷ୍ଠ ସାମ୍ବାଦିକ ପୂର୍ଣ୍ଣଚନ୍ଦ୍ର ନାୟକ ଶେଷରେ ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ପରିଷଦ ପକ୍ଷରୁ ଏକ ପୁସ୍ତକ ପ୍ରଦର୍ଶନୀ ଆୟୋଜିତ ହୋଇଥିଲା। ବରିଷ୍ଠ ସଦସ୍ୟ ଜଗଦିଶ ସାହୁ, ସଦାଶିବ ବାରିକ, ଅନ୍ତର୍ଯ୍ୟାମୀ ମହାପାତ୍ର, ସୁଶାନ୍ତ କୁମାର ସାହୁ ପ୍ରମୁଖ ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ।
ଫଟୋ ଆଟାଚ୍ ଅଛି।
Comments are closed.