ପାଟଣା : ପାଟଣା ଥାନା ଅଞ୍ଚଳ ସାହାରପଡା ବ୍ଲକ ଖୁଣ୍ଟାପଡା ପଞ୍ଚାୟତ ଚାତରପାଣି କାଜୁ ଜଙ୍ଗଲ ନିକଟରେ ଗଳିତ ଶବ ପଡିଥିବା ଓ ଶବକୁ ଚିହ୍ନଟ କରାଯାଇ ପାରୁନଥିବା ଚର୍ଚ୍ଚା ଆଜି ସଂଧ୍ୟା ପରେ ଯୋର ଧରିଛି । କେହି କେହି ଗୋଟିଏ ଶବ ପଡିଥିବା କହୁଥିବା ବେଳେ କେହି କେହି ୨ଟି ମୃତଦେହ ପଡିଥିବା କହୁଛନ୍ତି । ଏ ନେଇ ସାହାରପଡା ପୁଲିସକୁ ଯୋଗାଯୋଗ କରାଯିବାରେ ପୁଲିସ ନିକଟରେ କୌଣସି ସୂଚନା ନଥିବା ସାହାରପଡା ଫାଣ୍ଡି ଅଧିକାରୀ ଶିବଶଙ୍କର ଆଲଦା କହିବା ସହ ସେ ନିଜ ଆଡୁ ଘଟଣା ସମ୍ପର୍କରେ ଅନୁସନ୍ଧାନ କରି ସତ୍ୟାସତ୍ୟ ଉନ୍ମୋଚନ କରିବେ ବୋଲି କହିଛନ୍ତି । ଘଟଣା ଘଟିଥିବା ସ୍ଥାନ ଠାରୁ କିଛି ଦୂରରେ ଏକ ପାଣି ଟାଙ୍କି ନିର୍ମାଣ ଚାଲିଥିବା ରୁ କେହି ଏଠାରେ ବଳି ଦେଇ ଥାଇ ପାରେ ବୋଲି ଟୁପୁରୁ ଟାପର ଚାଲିଛି।
Comments are closed.