ପାତ୍ରପୁର: ପାତ୍ରପୁର ବ୍ଲକ ତଣ୍ଡିପୁର ପଞ୍ଚାୟତ ଅନ୍ତର୍ଗତ ପୋଲାରଜପୁର ବିଦ୍ୟାଳୟରେ ବିଶ୍ଵ ଏଡ୍ସ ଦିବସ ପାଳିତ ହୋଇଯାଇଛି।ବିଦ୍ୟାଳୟ ପ୍ରଧାନଶିକ୍ଷକ ରାଜେଶ ମହାନ୍ତିଙ୍କ ସଭାପତିତ୍ବରେ,ଏକ ସଭା ଅନୁଷ୍ଠିତ ହୋଇଥିଲା। ଏଥିରେ ଛାତ୍ରଛାତ୍ରୀ ମାନେ ନିଜର ମତାମତ ରଖିଥିଲେ । ଏହି ମର୍ମରେ ବିଦ୍ୟାଳୟରେ ଚିତ୍ର ଓ ବତ୍କୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଛାତ୍ରଛାତ୍ରୀ ମାନେ ନିଜେ ନିଜେ ଧାଡ଼ିରେ ରହି ସୁନ୍ଦର ଭାବେ ଏଡ୍ସ ସଂକେତ ତିଆରି କରିଥିଲେ। ବିଜ୍ଞାନ ଶିକ୍ଷକ କୃଷ୍ଣ ଚନ୍ଦ୍ର ସେଠୀ ଓ ଲକ୍ଷ୍ମୀ ନାରାୟଣ ବେହେରା ଏଚଆଇଭି ଓ ଏଡ୍ସ କ’ଣ, କାହିଁକି ଓ କେମିତି ବ୍ୟାପେ ତା ବିଷୟରେ ଛାତ୍ରଛାତ୍ରୀ ମାନଙ୍କୁ ବୁଝାଇ କହିଥିଲେ। ରୋଗ ଠାରୁ ଦୂରେଇ ରହିବା, ରୋଗୀ ଠାରୁ ନୁହଁ । ଏଡ୍ସ ପାଇଁ ଔଷଧ, ନିଜେ ସଚେତନ ରହିବା । ଏମିତି ଅନେକ ସଚେତନତା ମୂଳକ ସ୍ଲୋଗାନ ଦେଇ, ସ୍ବାସ୍ଥ୍ୟ ଓ ଶିକ୍ଷା ବିଭାଗ ତରଫରୁ ବିଦ୍ୟାଳୟରୁ ମନୋନୀତ ହୋଇଥିବା ସ୍ବାସ୍ଥ୍ୟ ଓ ସ୍ବଚ୍ଛତା ରାଜଦୂତ ଦୁଇ ଶିକ୍ଷକ ଘନଶ୍ୟାମ ସେଠୀ, କୃଷ୍ଣ ଚନ୍ଦ୍ର ସେଠୀ ଓ ଦୁଇ ଛାତ୍ରୀ ନନ୍ଦିନୀ ସାହୁ, ଦୀପ୍ତି ପ୍ରଧାନଙ୍କ ନେତୃତ୍ୱରେ ଗ୍ରାମରେ ଏକ ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ଶିକ୍ଷକ ଅରୁଣ ପ୍ରଧାନ ଓ ଅଭିଭାବକ କେଶବ ସାହୁ ପରିଚାଳନାରେ ସହଯୋଗ କରିଥିଲେ।
Comments are closed.