ଖଲ୍ଲିକୋଟ: ଡଙ୍ଗାବୁଡ଼ି ଭାଉଜଙ୍କ ମୃତ୍ୟୁ ହୋଇଥିବାବେଳେ ନଣନ୍ଦ ଉଦ୍ଧାର ହୋଇଛି। ଭାରସାମ୍ୟ ହରାଇ ଟାମ୍ପରା ହ୍ରଦରେ ଡଙ୍ଗାଟି ବୁଡ଼ି ଯାଇଥିଲା। ନଣନ୍ଦ ଓ ଭାଉଜ କାଠ ଆଣିବା ପାଇଁ ଯିବାବେଳେ ଏଭଳି ଅଘଟଣ ଘଟିଥିବା ସୂଚନା ମିଳିଛି।
ଗଞ୍ଜାମ ଜିଲା ଛତ୍ରପୁର ନିକଟ ଟାମ୍ପରା ହ୍ରଦରେ ଏକ ଦେଶୀଡଙ୍ଗା ଦୁର୍ଘଟଣାଗ୍ରସ୍ତ ହେବାରୁ ଭାଉଜଙ୍କ ମୃତ୍ୟୁ ହୋଇଥିବାବେଳେ ନଣନ୍ଦଙ୍କୁ ଉଦ୍ଧାର କରାଯାଇଛି। ମୃତକ ହେଉଛନ୍ତି ହୁମର ଗ୍ରାମର ପୁଷ୍ପା ବେହେରା (୩୪)। ତାଙ୍କ ନଣନ୍ଦ ବନି ବେହେରାଙ୍କୁ ଉଦ୍ଧାକାରୀ ଦଳ ସୁରକ୍ଷିତ ଭାବେ ଉଦ୍ଧାର କରିଛନ୍ତି।
ଛତ୍ରପୁର ଥାନା ଅନ୍ତର୍ଗତ ହୁମର ଗ୍ରାମର ପୁଷ୍ପା ବେହେରା ନିଜର ନଣନ୍ଦ ବନି ବେହେରାଙ୍କ ସହ ଟାମ୍ପରା ହ୍ରଦ ଆର ପଟେ ଥିବା ବଣକୁ ଏକ ଡଙ୍ଗା ଯୋଗେ ଜାଲେଣି କାଠ ଆଣିବାକୁ ଯାଉଥିବା ବେଳେ ଡ଼ଙ୍ଗାଟି ଓଲଟି ପଡ଼ିଥିଲା। ଫଳରେ ଉଭୟ ଭାଉଜ ଓ ନଣନ୍ଦ ପାଣିରେ ବୁଡ଼ି ଯାଇଥିଲେ। ସ୍ଥାନୀୟ ଲୋକେ ନଣନ୍ଦ ବନି ବେହେରାଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ। ତେବେ ଭାଉଜ ପୁଷ୍ପା ବେହେରାଙ୍କ ମୃତଦେହ ଟାମ୍ପରା ହ୍ରଦରୁ ଉଦ୍ଧାର ହୋଇଥିଲା।
Comments are closed.