ଆଠଗଡ : ମେଘା ଗ୍ରାମରେ ସୋମବାର ବୋମାମାଡ ଭଳି ଏକ ଅଭାବନୀୟ ଘଟଣା ଘଟିଥିବା ଜଣାପଡିଛି । ଏହି ବୋମାମାଡରେ ଗୟାଧର ପରିଡାଙ୍କ ପତ୍ନୀ ନିଆସି ପରିଡା (୫୫) ଗୁରୁତର ହୋଇ ଆଠଗଡ ଉପଖଣ୍ଡ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ପ୍ରକାଶ ଯୋଗ୍ୟ ଗ୍ରାମରେ ବିଜୁ ଜନତା ଦଳର ପଦଯାତ୍ରା ସାରି ସ୍ବୟଂ ସହାୟକ ଗୋଷ୍ଠୀର ବୈଠକ ପାଇଁ ଯାଉଥିଲା ବେଳେ ଜିଜ ସାମଲ ନାମକ ଜନୈକ ବ୍ୟକ୍ତି ନିଆସିଙ୍କ ଉପରକୁ ବୋମା ମାଡ କରିବାରୁ ନିଆସି ଆହତ ହୋଇ ପଡିଥିଲେ। ଅନ୍ୟ ଏକ ବୋମା ତାଙ୍କ ଲୁଗାରେ ବାଜି ଅଫୁଟା ଅବସ୍ଥାରେ ରହିଥିଲା। ନିଆସିଙ୍କ ନାତି ରୋହନ ତାଙ୍କୁ ଘରକୁ ନେଇ ଆସିଥିଲେ। ଘଟଣା ସମ୍ପର୍କରେ ନିଆସିଙ୍କ ପୁତ୍ର ଦେବରାଜ ପରିଡା ଆଠଗଡ ଥାନାରେ ଲିଖିତ ଅଭିଯୋଗ କରିବା ସହ ଅଫୁଟା ବୋମା ଦେଖାଇଛନ୍ତି । ପୁଲିସ ଘଟଣାକୁ ଗୁରୁତ୍ବ ଦେଇ ତଦନ୍ତ ଚଳାଇଛି ଏବଂ ଅଭିଯୁକ୍ତକୁ ଗିରଫ କରାଯିବ ବୋଲି ଆଇଆଇସି ଅନିରୁଦ୍ଧ ମୁଦୁଲିଙ୍କ ସୂତ୍ରରୁ ପ୍ରକାଶ।
Popular Categories
Previous article
Next article