ଘରେ ରଙ୍ଗୀନ ମାଛ ରଖିବା ଦ୍ବାରା ନକରାତ୍ମକ ଶକ୍ତି ନଷ୍ଟ ହୋଇଥାଏ। ଏହାସହ ସକରାତ୍ମକ ଶକ୍ତି ବୃଦ୍ଧି ପାଇଥାଏ। ଆକ୍ବାରିୟମରେ ରଙ୍ଗୀନ ମାଛ ରଖିବା ଦ୍ବାରା ଘରେ ଧନ ସମ୍ପତ୍ତିର ଅଭାବ ରହିନଥାଏ। ବାସ୍ତୁଶାସ୍ତ୍ରରେ ଆକ୍ବାରିୟମ ରଖିବାର ଅନେକ ସଠିକ ଦିଗ ବର୍ଣ୍ଣନା କରାଯାଇଛି। ଏହାଦ୍ବାରା ଘରେ ସୁଖଶାନ୍ତିର ପରିବେଶ ରହିଥାଏ।
ବାସ୍ତୁଶାସ୍ତ୍ରରେ ପାଣି ପ୍ରବାହ ଯୋଗୁଁ ଘରେ ସକରାତ୍ମକ ଶକ୍ତି ଉତ୍ପନ୍ନ ହୋଇଥାଏ। ଆକ୍ବାରିୟମ ମଧ୍ୟରେ ପାଣି ପ୍ରବାହ ଯୋଗୁଁ ଧନ ସମ୍ପତ୍ତି ବୃଦ୍ଧି ଓ ସୁରକ୍ଷିତ ହୋଇଥାଏ।
ଘରର ଦକ୍ଷିଣ-ପୂର୍ବ ଦିଗରେ ଆକ୍ବାରିୟମ ରଖିବା ଅତ୍ୟନ୍ତ ଶୁଭ ବୋଲି କୁହାଯାଇଛି। ଏହାଦ୍ବାରା ଘରେ ସର୍ବଦା ସୁଖଶାନ୍ତି ତିଷ୍ଠି ରହିଥାଏ।
ଏହାସହ ଘରର ଉତ୍ତର ଦିଗ କିମ୍ବା ପୂର୍ବ ଦିଗରେ ମଧ୍ୟ ଆକ୍ବାରିୟମ ରଖିପାରିବେ। ଉତ୍ତର ଦିଗରେ ଆକ୍ବାରିୟମ ରଖିବା ଦ୍ବାରା ଆର୍ଥିକ ସ୍ଥିତି ସଠିକ ରହିବା ସହ ଉନ୍ନତି ହୋଇଥାଏ।
ଫେଙ୍ଗସୁଇ ଅନୁସାରେ, ଆକ୍ବାରିୟମ ମଧ୍ୟରେ ଗୋଟିଏ କଳା ରଙ୍ଗର ମାଛ ଓ ଅନ୍ୟାନ୍ୟ ୮ରୁ୯ଟି ମାଛ ରଖିବା ଉଚିତ। ସୁନେଲୀ ରଙ୍ଗର ମାଛ ରଖିବା ଅତ୍ୟନ୍ତ ଶୁଭ ବୋଲି କୁହାଯାଇଛି।
