ଆଠଗଡ: ଆଠଗଡସ୍ଥିତ ଗୋପବନ୍ଧୁ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ (କନିଷ୍ଠ କଲେଜ) ଏନଏସଏସ ପକ୍ଷରୁ ସ୍ୱଚ୍ଛତା ହିଁ ସେବା କାର୍ଯ୍ୟକ୍ରମ ଅବସରରେ ବ୍ୟାପକ ସଫେଇ କରାଯାଇଥିଲା। କଲେଜ ନିକଟ ପଡିଆରେ ଅଳ୍ପ ଦିନ ପୂର୍ବରୁ ଦୀର୍ଘ ଦିନ ଧରି ମୀନା ବଜାର ପଡିଥିଲା। ସେଠାରେ ବହୁ ଆବର୍ଜନା ପଡିଥିବା ଦେଖି ଏନଏସଏସର ସ୍ୱେଚ୍ଛାସେବୀମାନେ ସଂପୂର୍ଣ୍ଣ ପଡିଆକୁ ସଫେଇ କରିଥିଲେ। ଏନଏସଏସ ଯୋଜନା ଅଧିକାରିଣୀ ଅଧ୍ୟାପିକା ପ୍ରମୋଦିନୀ ଜେନା ଏହି କାର୍ଯ୍ୟକ୍ରମ ପରିଚାଳନା କରିବା ସହ ଏକ ସୁସ୍ଥ ଓ ସ୍ୱଚ୍ଛ ବାତାବରଣର ଆବଶ୍ୟକତା ଏବଂ ସ୍ୱାସ୍ଥ୍ୟ ଉପରେ ଏହାର ପ୍ରଭାବ ସଂପର୍କରେ ଆଲୋକପାତ କରିବା ସହ ଛାତ୍ରୀମାନଙ୍କୁ ସବୁବେଳେ ପରିଷ୍କାର ପରିଚ୍ଛନ୍ନତା ବଜାୟ ରଖିବା ଓ ଅନ୍ୟମାନଙ୍କୁ ଏ ଦିଗରେ ସଚେତନ କରିବା ଲାଗି ପରାମର୍ଶ ଦେଇଥିଲେ। ଏନଏସଏସର ପ୍ରାୟ ୫୦ରୁ ଉର୍ଦ୍ଧ ସ୍ୱେଚ୍ଛାସେବୀ ଏହି ସଫେଇ କାର୍ଯ୍ୟକ୍ରମରେ ଯୋଗଦେଇଥିଲେ।
Comments are closed.