ସମ୍ବଲପୁର: ସମ୍ବଲପୁର ରେଳ ମଣ୍ଡଳ ଅଧିନସ୍ଥ କାର୍ଯ୍ୟରତ ଟ୍ରାକମ୍ୟାନ ସନ୍ତୋଷ ମହାକୁଡ (୫୦) ଙ୍କ ଏକ ରେଳ ଧକ୍କାରେ ମୃତ୍ୟୁ ହୋଇଯାଇଛି। ରବିବାର ଏକ ମାଲବାହୀ ରେଳଗାଡି ଭାଲୁପାଲି ଲେଭଲ କ୍ରସିଂ ଅତିକ୍ରମ କରୁଥିବା ବେଳେ ଶ୍ରୀ ମହାକୁଡଙ୍କୁ ଏହା ଧକ୍କା ଦେଇଥିଲା। ଗୁରୁତର ଆହତ ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ରେଳବାଇ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଇଥିଲା। ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ଜିଆରପି ପକ୍ଷରୁ ଏକ ଅପମୃତ୍ୟୁ ମାମଲା ରୁଜୁ କରାଯାଇ ମୃତଦେହକୁ ବ୍ୟବଚ୍ଛେଦ ପାଇଁ ପଠା ଯାଇଥିଲା। ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ଅନ୍ତିମ ସଂସ୍କାର ପାଇଁ ମୃତଦେହ ଜିଆରପି ହସ୍ତାନ୍ତରିତ କରାଯାଇଛି ଓ ଘଟଣାର ତଦନ୍ତ ଚାଲିଛି ବୋଲସ ସୂଚନା ଦିଆଯାଇଛି।
Comments are closed.