ଫୁଲବାଣୀ : କନ୍ଧମାଳ ଜିଲା ଫିରିଙ୍ଗିଆ ଥାନା ପୁଲିସ ପାସେଞ୍ଜର ଅଟୋ ସହ ୩୦ କେଜି ଗଞ୍ଜେଇ ଓ ୨ ଜଣ ଗଞ୍ଜେଇ ଚାଲାଣ କାରିକୁ ଗିରଫ କରିବାରେ ସଫଳ ହୋଇଛି। ସୂଚନା ଅନୁସାରେ ଫିରିଙ୍ଗିଆ ପୁଲିସ ପାଟ୍ରୋଲିଙ୍ଗ କରୁଥିବା ବେଳେ ୧ ନମ୍ବର ରାଜ୍ୟ ରାଜପଥ ଫିରିଙ୍ଗିଆ ଥାନା ଅନ୍ତର୍ଗତ ବନ୍ଧଗଡ଼ ପଞ୍ଚାୟତର ବାଲକିଡାଡି ଛକ ନିକଟରେ ଏକ ପାସେଞ୍ଜର ଅଟୋକୁ ଅଟକାଇଥିଲେ। ଗାଡିକୁ ତନଖିବା ପରେ ଗଞ୍ଜେଇ ଗାଡ଼ିରେ ଚାଲାଣ ହେଉଥିବା ଜଣା ପଡିଥିଲା। ଏହାପରେ ଅଟୋରେ ଥିବା ୨ ଜଣ ଗଞ୍ଜେଇ ଚାଲାଣ କାରିକୁ ପୁଲିସ ଧରିଥିଲା। ପରେ ଅଟୋ ଚାଲାଣ ହେଉଥିବା ଗଞ୍ଜେଇ ଏବଂ ଦୁଇ ଜଣକୁ ଥାନାକୁ ଆଣିଥିଲେ। ସେଠାରେ ଓଜନ ପରେ ଗଞ୍ଜେଇ ୩୦ କିଲୋ ଥିବା ଜଣାପଡ଼ିଥିଲା। ଏହି ଘଟଣାରେ ସମ୍ପୃକ୍ତ ଚାଲାଣ କାରି ଉଲିଙ୍ଗିଆ ଗାଁ ଭଞ୍ଜନଗର ଥାନା ଅଞ୍ଚଳ ର ନରୋତ୍ତମ ଦିଗାଲ, ଓ ସୁଜେରି ଗାଁ ଜି ଉଦୟଗିରି ଥାନା ଅଞ୍ଚଳ ର ରୁବେନ ନାୟକ କୁ ଗିରଫ କରି ଫିରିଙ୍ଗିଆ ଥାନାରେ କେଶ ନ ୧୬୭/୨୩ ରେ ଏକ ଗଞ୍ଜେଇ ଚାଲାଣ ସମ୍ପର୍କିତ ମାମଲା ରୁଜୁ କରି ଉଭୟ ଗଞ୍ଜେଇ ଚାଲାଣ କାରିକୁ କୋର୍ଟ ଚାଲାଣ କରିଥିବା ଫିରିଙ୍ଗିଆ ଥାନା ଅଧିକାରୀ ରମେଶ କୁମାର ପ୍ରଧାନ ସୂଚନା ଦେଇଛନ୍ତି।
Comments are closed.